(વર્તમાન પ્રવાહ ન્યુઝ નેટવર્ક) દીવ, તા.08
દીવ પોલીસે દારૂના જથ્થા સાથે એક વ્યક્તિની ધરપકડ કરી રૂા. 8000ના દારૂ સાથે મોટર સાયકલ જપ્ત કર્યા આગળની કાર્યવાહી હાથ ધરી છે.
પ્રાપ્ત માહિતી અનુસાર દીવ પોલીસને તા. 07/02/2022 ના રોજ લગભગ 2:00 કલાકે, દીવથી ગુજરાત તરફ દારૂની હેરફેર કરવા અંગેની બાતમી મળી હતી. જે અંગે તરત ચકાસણી કરવામાં આવી હતી અને ખાતરી કર્યા બાદ પોલીસ અધિક્ષક શ્રી અનુજ કુમાર દ્વારા એક ટીમની રચના કરવામાં આવી હતી. ત્યાર બાદ દીવની હોટલ કોહિનૂર, દીવની પાછળ સ્મશાન પાસે દરોડો પાડવામાં આવ્યો હતો જ્યાં મલેક ઈલ્યાસ સુલતાન(ઉ.વ.ર8)ની ધરપકડ કરવામાં આવી હતી અને તેની 31 નીપની ઈમ્પિરિયલ બ્લુ (180 એમએલ) 96 નીપની સ્પેશ્યલ વ્હિસ્કિ (180 એમએલ), 1ર નીપ્સની ત્રીપલ એક્સ રમ અને બે બોટલ ઓલ્ડ મંક રો (750 એમએલ) જેની અંદાજીત કિંમત રૂા.8000નો પાસ પરમિટ વગરનો અને આશરે રૂા. 10,000/-ની કિંમતની એક મોટર સાયકલ જપ્ત કરી કરવામાં આવી હતી. જરૂરી પંચનામા બાદ પકડાયેલઆરોપીને મુદ્દામાલ સાથે દીવ એક્સાઈઝ વિભાગને સોંપવામાં આવ્યો હતો.
