વાઈટલ હેલ્થ લેબોરેટરીઝના કર્મચારીએ સુનિલ સરોજે ફરિયાદ નોંધાવી
(વર્તમાન પ્રવાહ વાપી બ્યુરો) વાપી, તા.14
વાપી જીઆઈડીસી થર્ડફેઈઝ વિસ્તારમાં આવેલ વાઈટલ હેલ્થકેર લેબોરેટરીઝમાં ફરજ બજાવતા કર્મચારીએ વાલ્વની ચોરીના મામલામાં ગોંધી રાખી માર માર્યાની ફરિયાદ જીઆઈડીસી પોલીસમાં નોંધાવી હતી.
ફરિયાદ અનુસાર વાઈટલ કંપનીમાં 9 વર્ષની મશીન ઓપરેટર તરીકે ફરજ બજાવતા સુનિલ સરોજ વાલ્વની ચોરી કરી છે તેવી શંકાના આધારે મેનેજર શંકર બજાજ, સંજય ડોડીયા, લેબર કોન્ટ્રાક્ટર રાહુલ તેમજ સિક્યોરીટી સુપર વાઈઝરરાહુલે છીરીમાં ગોંધી રાખી સુનિલને માર માર્યા હોવાની ફરિયાદ પોલીસમાં નોંધાઈ છે. પોલીસે સીસીટીવી ફૂટેજ મેળવી તપાસ હાથ ધરી છે. કથિત સુનિલ સરોજ અને સાથી હરિમંગલ સહિતના કર્મચારીઓ વાલ્વ ચોરી કરતા હોવાની પુષ્ટી મળી છે. આ બાબતે મેનેજર સહિતના ફરિયાદમાં વર્ણવાયેલ આરોપીઓએ જણાવેલ છે અમે માર માર્યા નથી. અલબત્ત સાત-આઠ મહિનામાં કંપનીમાં રૂા. 10 હજારની કીંમતના 25 થી વધુ વાલ્વ ચોરાયા છે. આરોપ, પ્રતિ આરોપો બાબતે વધુ તપાસ પોલીસ કરી રહી છે.
