લાંબા સમય બાદ શાળાના કેમ્પસમાં નાના ભૂલકાઓનો શોરબકોર પણ જોવા મળશે
(વર્તમાન પ્રવાહ ન્યુઝ નેટવર્ક) દમણ, તા.14
સંઘપ્રદેશ દાદરા નગર હવેલી અને દમણ-દીવમાં આજથી પ્રાથમિક અને ઉચ્ચ પ્રાથમિક શાળાઓમાં ઓફલાઈન શિક્ષણની મંજૂરી આપવામાં આવી છે. હવેથી પ્રાથમિક અને ઉચ્ચ પ્રાથમિક શાળાના વિદ્યાર્થીઓ પોતાના વર્ગખંડમાં અભ્યાસ કરી શકશે.
કોવિડ-19ના યોગ્ય પ્રોટોકોલ અને ડિસ્ટન્સીંગ સાથે વર્ગખંડમાં અભ્યાસ કરવાની પરવાનગી પ્રશાસન દ્વારા આપવામાં આવી છે. જેના કારણે લાંબા સમયથી વર્ગખંડના શિક્ષણથી વંચિત રહેલા નાના ભૂલકાંઓની ચહલપહલ હવે શાળાઓમાં જોવા મળશે.
