(વર્તમાન પ્રવાહ ન્યુઝ નેટવર્ક) સેલવાસ, તા.14
દાદરા નગર હવેલી પોલીસ દ્વારા સેલવાસના વિવિધ વિસ્તારોમા તંબાકુ બનાવટની વસ્તુઓ વેચનાર સામે લાલ આંખ કરતા ફફડાટ ફેલાઈ જવા પામ્યો છે.
દાનહના પોલીસ અધિક્ષક શ્રી હરેશ્વર સ્વામીના આદેશ અનુસાર સેલવાસ પોલીસ દ્વારા ડોકમરડી, બાવીસા ફળિયા, કિલવણી નાકા ઝંડાચોક અને આમલી વિસ્તારમાં ચાલી રહેલ પાનના ગલ્લાઓ અને ટપરીઓ પર સર્ચ ઓપરેશન હાથ ધરવામાં આવ્યું હતું.
જેમા તંબાકુના બનાવટની વસ્તુઓ જેવીકે ગુટકા સિગરેટ સહિતની વિવિધ વસ્તુઓ ઝડપી પાડી જપ્ત કરવામા આવીહતી. જે માલ જપ્ત કરવામા આવ્યો છે એને ફૂડ એન્ડ ડ્રગ્સ વિભાગને સોંપી આગળની કાર્યવાહી હાથ ધરવામા આવી છે.
