(વર્તમાન પ્રવાહ ન્યુઝ નેટવર્ક) સેલવાસ, તા.15
દાદરા નગર હવેલીની સમાજસેવી સંસ્થા સ્વદેશ ફાઉન્ડેશનના પ્રમુખ અને સેલવાસ નગરપાલિકાના વોર્ડ નંબર 14ના સભ્ય શ્રી કિશનસિંહ પરમાર અને એમની ટીમ દ્વારા દૂધની નિવાસી સુનિલ ખંજોડિયા દ્વારા નિર્મિત એલઇડી બલ્બ વોર્ડ નંબર 14ના ગરીબ આદિવાસી લોકોને મફતમાં વિતરણ કરવામા આવ્યા હતા.
સંસ્થાનો ઉદેશ્ય સ્વરોજગાર અને આત્મનિર્ભર ભારતને પ્રોત્સાહન આપવાનો છે અને આપણાપ્રદેશના સુનિલ ખાનજોડીયા જેવા સાહસી યુવા આદિવાસી ભાઈની મહેનતને આર્થિક સહયોગ કરવાનો છે.
સંસ્થા દ્વારા એ પણ સંદેશો આપવામા આવ્યો છે કે આપણે દરેક સ્વદેશી વસ્તુઓનો ઉપયોગ કરે અને દેશના પ્રધાનમંત્રી શ્રી નરેન્દ્રભાઈ મોદીનું સ્વપ્ન લોકલ ફોર વોકલને આપના પ્રકારના સહયોગથી સાકાર કરવા માટે બળ મળશે.