(વર્તમાન પ્રવાહ ન્યુઝ નેટવર્ક) દીવ, તા.16
કેન્દ્રશાસિત પ્રદેશ ખાતે એજ્યુકેશન સેક્રેટરીના આદેશથી અને દીવ કલેકટર શ્રીમતી સલોની રાયના માર્ગદર્શન હેઠળ તથા એજ્યુકેશન ઓફિસર શ્રી પિયુષ મારુંના નેતળત્વમાં દીવ જિલ્લાની એક થી આઠ ઘોરણની શાળાઓ તથા આંગણવાડીની શરૂઆત કોરોના ગાઈડ લાઈન સાથે શરૂ કરવામાં આવી હતી.
દીવ ખાતે ત્રીજી લહેરના પ્રારંભને લીધે છેલ્લા ઘણા સમયથી દીવ જિલ્લાના વિદ્યાર્થીઓ ઓનલાઇન ક્લાસ ભણતા હતા. આજથી ઓફલાઈન ક્લાસ શરૂ થતા વિદ્યાર્થીઓમાં ઉત્સાહ જોવા મળ્યો હતો. આજે સવારથી જ વિદ્યાર્થીઓનું સ્કૂલમાં આગમન થયું હતું.
સ્કુલ ખાતે તેમને થરમોસ્કેનથી તાપમાન માપી હાથ સેનીટાઈઝર કરી અને માસ્ક સાથે સ્કૂલમાં પ્રવેશ આપવામાં આવ્યો હતો. શાળાઓના પ્રારંભ થતાં દીવ એજ્યુકેશન ઓફિસર શ્રી પિયુષ મારુંએ દરેક શાળામાં જઈ નિરિક્ષણકર્યું હતું અને શાળા દરેકને કોરોના ગાઈડનું ચૂસ્ત પણે પાલન કરવા તાકિદ કરી હતી