વાપીના ડુંગરી ફળિયા પોલીસ સ્ટેશન નજીક રવિવારે સવારે ગુજરાત ગેસ કંપનીની ગેસ લાઈન અચાનક લીક થતાં લોકોમાં દોડધામ મચી જવા પામી હતી. પોલીસે ફાયર વિભાગ તથા કંપનીને જાણ કરતા ટેક્નીકલ સ્ટાફ ઘટના સ્થળે ધસી આવ્યો હતો અને સમયસર ફાયર બ્રિગેડ ઘટના સ્થળે આવીને આગ બુઝાવી હતી. ત્યારબાદ ગેસ કંપનીના સ્ટાફે ગેસ લાઈનનું તાકીદે રીપેરીંગ કરી લેતા મોટી દુર્ઘટના સર્જાતા થતા અટકી ગઈ હતી.
