શનિ અને રવિવારે મોટી દમણમાં શરૂ કરેલી સફાઈ ઝૂંબેશ : કચરો નાંખવા બદલ 37 દંડાયા
(વર્તમાન પ્રવાહ ન્યુઝ નેટવર્ક) દમણ,તા.ર0
દમણ નગર પાલિકા દ્વારા શનિ અને રવિવારે સ્વચ્છતા અભિયાન ચલાવી મોટી દમણ વિસ્તારને પ્લાસ્ટિક વેસ્ટ અને ગાર્બેજથી મુક્ત કરવા પ્રયાસ કરાયો હતો. ખુલ્લા પ્લોટ અને ખાલીજગ્યાઓમાંથી પણ પ્લાસ્ટિક વેસ્ટ અને ગાર્બેજ હટાવાયું હતું.
દમણ નગર પાલિકા દ્વારા આજુબાજુ કચરો નાંખવા અને સ્વચ્છતા નહી જાળવવા બદલ 37 જેટલા વ્યક્તિઓ પાસેથી દંડ પણ વસૂલ કરાયો હતો.
દમણ નગર પાલિકા વિસ્તારને સંપૂર્ણ રીતે ગાર્બેજ અને સિંગલ યુઝ પ્લાસ્ટિકથી મુક્ત કરવા હવે વિવિધ વોર્ડોમાં પણ સ્વચ્છતા ઝુંબેશ શરૂ કરવાના હોવાની જાણકારી આપવામાં આવી છે.
દમણ નગર પાલિકાએ શહેરને સ્વચ્છ, સુંદર, સ્વસ્થ અને રળિયામણું રાખવા માટે છ સિનિયર સ્ટાફને કામે લગાવી તેમને વિવિધ વોર્ડની જવાબદારી આપી દરરોજ મુલાકાત લઈ સ્વચ્છતા બાબતે યોગ્ય દેખરેખ રાખવા અને ડોર ટુ ડોર સોલીડ વેસ્ટ કલેક્શન યોગ્ય રીતે કરાય છે કે નહીં તેની તકેદારી રાખવાની પણ જવાબદારી આપવામાં આવી છે.
