(વર્તમાન પ્રવાહ ન્યુઝ નેટવર્ક) નવસારીઃ તા.19 આગામી તા.૨૧/૦૪/૨૦૨૨ના રોજ જલાલપોર તાલુકાના મરોલી કોળી સમાજની વાડી ખાતે સવારે ૯-૦૦ કલાકે હેલ્થમેળા નું આયોજન કરવામાં આવ્યું છે. જેમાં દર્દીઓની આરોગ્ય સેવાઓ, નિઃશુલ્ક દવાઓ, યુનિક હેલ્થ આઇ.ડી.કાર્ડ, આયુષ્યમાન ભારત કાર્ડ, ટેલી કન્સલ્ટેશન દ્વારા નિદાન, ડાયાબીટીશ, હાઇ બ્લડ પ્રેશર, ઓરલ કેન્સર, આંખના મોતીયાની તપાસ કરવામાં આવશે. તેમજ યોગ ધ્યાન અંગે માર્ગદર્શન આપવામાં આવશે. આ હેલ્થમેળામાં લાભાર્થીઓને મોટી સંખ્યામાં લાભ લેવા તાલુકા હેલ્થ ઓફિસર જલાલપોર, નવસારીની યાદીમાં જણાવાયું છે.
