(વર્તમાન પ્રવાહ ન્યુઝ નેટવર્ક) પારડી, તા.23
છેલ્લા કેટલાક સમયથી પારડી તાલુકાના ખેડૂતોની વાડીઓમાંથી મોટર ચોરીના બનાવોની ફરિયાદ વારંવાર પારડી પોલીસ સ્ટેશને આવતા પારડી પોલીસ સ્ટેશન ના પી.આઈ. શ્રી મયુર પટેલે ભગારીયાઓ સાથે એક બેઠકનું આયોજન કરવામાં આવ્યું હતું.
આ બેઠકમાં મયુર પટેલે તમામ ભગારીયાઓને ચોરી ની કોઈપણ ચીજવસ્તુઓ ખરીદવાની મનાઈ કરવામાં આવી હતી. ચોરો ખૂબ સસ્તામાં ચોરેલો માલ આવા ભગારીયાઓને વેચી રોકડી કરી લેતા હોય છે ત્યારે પોલીસે લાલ આંખ કરી આવા ભગારીયાઓને કડક સૂચનાઓ આપી ચોરીનો માલ તો ખરીદવો નહિ પરંતુ આવી ચોરીની ચીજવસ્તુઓ લઈ આવનારની તમામ માહિતી તથા આવી ચીજ વસ્તુઓ કયાંથી લાવ્યો તેની તમામ માહિતી મેળવવાની રહશે અને આ ચોરીની ચીજવસ્તુઓ લઈ આવનારની માહિતી અન્ય ભગારીયાવાળાઓને પણ આપવાની રહેશે.આ ઉપરાંત દરેક ભગારની દુકાન કે ગોડાઉનમાં સી.સી. કેમેરા લગાવવાના રહેશે. જેથી આવો ચોરીનો માલ લઈ આવનારની ઓળખ થઈ શકે.
આમ વરસોથી ભગારિયાં અને આવા ચોર વચ્ચેવર્ષોથી માલ ખરીદ વેચાણના સંબધો રહેલા હોય જેનો અમુક હિસ્સો હપ્તા તરીકે અન્ય જગ્યાએ પણ જતો હોય આવા તમામ લોકોના પેટમાં તેલ રેડાયું છે અને ધંધો કેમ કરવો એની ચિંતામાં ગરકાવ થઈ ગયા હતા.પરંતુ પારડી પોલીસના તેવર અને બેઠકમાં સખ્તાઈથી આપેલ સુચનાને લઈ આવા લોકોના ઈરાદા બર આવશે એવું લાગતું નથી.