(વર્તમાન પ્રવાહ ન્યુઝ નેટવર્ક) સેલવાસ, તા.01
સેલવાસ ‘સ્માર્ટ સીટી લિમીટેડ’ દ્વારા વિશ્વ સાયકલ દિવસના ઉપલક્ષમાં સાયકલ સવારીને પ્રોત્સાહન આપવા 30મી મે થી 3જૂન દરમિયાન આયોજીત કરેલા વિવિધ કાર્યક્રમોને પ્રચંડ સમર્થન મળી રહ્યું છે.
આજે સેલવાસ ‘સ્માર્ટ સીટી લિમીટેડ’ના સી.ઈ.ઓ. સુશ્રી ચાર્મી પારેખના નેતૃત્વમાં વિવિધ રોડ ઉપર સાયકલ સવારી કરી હતી. જેમાં યુવાનો, નાના બાળકો અને વડિલો પણ જોડાયા હતા. સેલવાસ સ્માર્ટ સીટી લિમીટેડ દ્વારા સાયકલ સવારીને પ્રોત્સાહન આપવા કરેલા પ્રયોગના સાર્થક પરિણામ દેખાઈ રહ્યા છે.
