વરસાદ પડતાંની સાથે જ મોટી દમણમાં લાઈટ ડૂલ થતાં ટોરેન્ટ પાવર સામે લોકોમાં ભભૂકેલો રોષઃ ચોમાસા દરમિયાન સતત વિજળી વેરણ બનશે એવી બળવત્તર બની રહેલી લોક લાગણી
(વર્તમાન પ્રવાહ ન્યુઝ નેટવર્ક) દમણ, તા.19
દમણમાં આજે મૌસમનો લગભગ પહેલો વરસાદ વરસતાં થોડી ઠંડક સર્જાવા પામી હતી. આજે સવારે 8 વાગ્યાથી સાંજના 5 વાગ્યા સુધી દમણમાં 20 મીલીમીટર વરસાદ પડયો હોવાનું નોંધાયું હતું.
પ્રાપ્ત માહિતી પ્રમાણે પહેલાં વરસાદની સાથે જ મોટી દમણ શહેર વિસ્તારમાં સાંજના સમયે લગભગ એક કલાક જેટલા સમય માટેલાઈટ ડૂલ થતાં ટોરેન્ટ પાવર સામે લોકોનો રોષ દેખાયો હતો. અગામી ચોમાસામાં પણ હવે વિજળી વેરણ બનશે એવી લાગણી સામાન્ય લોકોમાં સ્વભાવિક બની છે.
ખેતી માટે વાવણીલાયક વરસાદ વરસ્યો નથી. તેથી ખેડૂતો પણ ચિંતામાં દેખાઈ રહ્યા છે, પરંતુ ચોમાસુ 20મી જૂનથી બરાબર જામશે એવા વરતારાથી ખેડૂતો વાવણી પહેલાંના ખેતીના કામમાં સક્રિય બન્યા છે.
