(વર્તમાન પ્રવાહ ન્યુઝ નેટવર્ક) વાપી,તા.૨૩
ભારત સરકાર દ્વારા ‘મારી દીકરી સમૃદ્ધ દીકરી’ના સૂત્ર સાથે સુકન્યા સમૃદ્ધિ યોજના કેન્દ્રીયમંત્રી શ્રી દેવુસિંહ ચૌહાણના હસ્તે લોન્ચ કરવામાં આવી હતી. જેના ભાગરૂપે આવતીકાલે તા.૨૪મી જૂનના શુક્રવારના રોજ વલસાડ જિલ્લા તથા સંઘપ્રદેશ દાદરા નગર હવેલી અને દમણ-દીવની તમામ પોસ્ટ ઓફિસમાં મેગા કેમ્પનું આયોજન કરવામાં આવેલ છે. જેમાં ૦ થી ૧૦ વર્ષ સુધીની તમામ દીકરીનાં વાલીઓને અનુરોધ કરવામાં આવે છે કે તેઓ તેમની દીકરીના ખાતા ખોલે અને દીકરીના ભવિષ્ય માટેની સરકારની યોજનાનો લાભ લે. આવતી કાલે યોજાનાર મેગા કેમ્પનો જાહેર જનતાને લાભ લેવા માટે વાપીની મુખ્ય પોસ્ટ ઓફિસના પોસ્ટ માસ્ટરની ઍક અખબારી યાદીમાં જણાવાયું છે.
