(વર્તમાન પ્રવાહ ન્યુઝ નેટવર્ક)
સેલવાસ,તા.03
દાદરા નગર હવેલી ટ્રાફિક વિભાગ દ્વારા એસ.પી.શ્રીના આદેશ અનુસાર મેસર્સ અમી પોલિમર પ્રાઇવેટ લિમિટેડ કંપની અથાલ ખાતે કર્મચારીઓ અને અધિકારીઓને સડક સુરક્ષા જાગરૂકતા કાર્યક્રમનું આયોજન કરવામાં આવ્યું હતું. જેમાં ટ્રાફિક નિયમો અંગે આવશ્યક જાણકારી આપવામાં આવી હતી, બાદમાં શહીદ ચોક સેલવાસ ખાતે પણ રીક્ષા ચાલકોને પણ નિયમો અંગે ટ્રાફિક પોલીસ દ્વારા આર.ટી.ઓ. દ્વારા જારી કરવામાં આવેલ કાયદેસર લાયસન્સ સાથે રાખવું, ડ્રાઈવિંગ કરતી વખતે સીટ બેલ્ટ બાંધવો/હેલ્મેટ પહેરવું, વાહનના આવશ્યક દસ્તાવેજ જેવા કે વીમો, પીયુસી, આરસી બુક સાથે રાખવું, વાહન ચલાવતી વખતે શરાબનું સેવન નહીં કરવું, ટ્રિપલ રાઇડિંગ નહી કરવી, વિશેષરૂપે ઓટોરિક્ષામાં વધુ યાત્રીઓને અનુમતિ નહીં આપવી સહિત સડક સુરક્ષા અંગે વિવિધ જાણકારી આપવામાં આવી હતી.