(વર્તમાન પ્રવાહ વાપી બ્યુરો) વાપી, તા.04
આધુનિક યુગમાં દિન પ્રતિદિન કીડનીની બિમારી વધુ પ્રમાણમાં ફેલાઈ ચૂકી છે.વલસાડ જિલ્લામાં સેંકડો કીડનીગ્રસ્ત દર્દીઓ છે. તેઓ હાલ એક માત્રઅ કીડની ડાયાલીસીસ પર નિર્ભર છે. ક્યારેક એવા દર્દીઓની કીડની ફેઈલ થઈ જતી હોય ત્યારે મૃત્યુને ભેટે છે. એવા દર્દીઓને નવજીવન એક માત્ર રસ્તો છે. કીડની ટ્રાન્સપ્લાન્ટ અને આ સેવા વલસાડ જિલ્લામાં ક્યાંય ઉપલબ્ધ નથી ત્યારે કીડની ટ્રાન્સપ્લાન્ટ હવે વાપીમાં થશે. વાપી રોટરી હરિયા હોસ્પિટલને કીડની ટ્રાન્સપ્લાન્ટ સેન્ટર તરીકે માન્યતા પ્રાપ્ત થઈ છે.
આજે સોમવારે હરિયા હોસ્પિટલમાં યોજાયેલ પત્રકાર પરિષદમાં હોસ્પિટલના સુપ્રિટેન્ડન્ટ ડો.એસ.એસ. સિંગે કીડની ટ્રાન્સપ્લાન્ટ યુનિટ હવે હોસ્પિટલમાં કાર્યરત થશે તેવી જાણકારી અને માહિતી આપી હતી. કીડનીના રોગની કેટલીક ગંભીર વાતો દર્દીની તકલીફ અંગે જાણકારી આપી હતી. નોંધનીય છે કે મુંબઈ અને સુરત સિવાય કીડની ટ્રાન્સપ્લાન્ટ ક્યાંય થતું નથી. હવે આ સેવા વાપીમાં ઉપલબ્ધ થશે.
