જિલ્લાની તમામ સરકારી, અર્ધ સરકારી અને ખાનગી શાળાઓ, કોલેજ, આઈટીઆઈ, આંગણવાડી તથા દરેક પ્રકારના કોચિંગ ઈન્સ્ટીટયૂટોને પણ બંધ રાખવા કરાયેલો આદેશ
(વર્તમાન પ્રવાહ ન્યુઝ નેટવર્ક) સેલવાસ, તા.૧૪
ભારતીય હવામાન વિભાગ દાદરા નગર હવેલી જિલ્લાના મોટાભાગના વિસ્તારોમાં અગામી ૪૮ કલાક દરમિયાન ભારેથી અતિ ભારે વરસાદની કરેલી આગાહીના પગલે આજે અને આવતી કાલે જિલ્લાની તમામ શૈક્ષણિક સંસ્થાઓને બંધ રાખવાનો આદેશ જિલ્લા કલેક્ટર ડો. રાકેશ મિન્હાસ દ્વારા કરવામાં આવ્યો છે.
પ્રા માહિતી પ્રમાણે દાદરા નગર હવેલી જિલ્લા પ્રશાસને અગમચેતીના પગલાંના ભાગરૂપે જિલ્લાની તમામ સરકારી અને ખાનગી શાળાઓ, કોલેજ, પોલીટેકનિક, આંગણવાડી, આઈટીઆઈ સહિત તમામ પ્રકારની કોચિંગ ઈન્સ્ટીટ્યૂટોને પણ તા.૧૪ અને ૧૫ જુલાઈના રોજ બંધ રાખવા આદેશ આપવામાં આવ્યો છે. ભારે વરસાદ, પાણીનો ભરાવો, માહિતી અપડેટ કે ફરિયાદ માટે ઈમરજન્સી કંટ્રોલ રૂમ નંબર ૧૦૭૭, ૦૨૬૦-૨૪૧૨૫૦૦, ૮૭૮૦૦ ૦૧૦૭૭ ઉપર સંપર્ક સાધવા પણ જણાવાયું છે.
