(વર્તમાન પ્રવાહ ન્યુઝ નેટવર્ક)
સેલવાસ, તા.24
દાદરા નગર હવેલીના ખાનવેલ સબ જિલ્લા હોસ્પિટલ ખાતે ખાનવેલ ફાયર વિભાગના ઈન્ચાર્જ અધિકારી સુમનભાઈ પટેલ દ્વારા હોસ્પિટલના ડોક્ટરો અને સ્ટાફને આગ, ભૂકંપ, વાવાઝોડા, સાયક્લોન, પૂર જેવા તમામ પ્રકારના આપદા પ્રબંધનના રૂપમાં આવતી આપત્તિને લગતા સાધનો તેમજ સાવધાનીની ટ્રેનિંગ લાઈવ ડેમો અને જાણકારી સાથે મોકડ્રિલ કરવામાં આવેલ આ ટ્રેનિંગ દરમ્યાન સ્ટાફને આગ લાગે ત્યારે કઈ રીતના પગલા લેવા, ભૂકંપ આવે ત્યારે ક્યા પ્રકારના પગલા લેવા, સાથે કોઈક જગ્યા પર અચાનક આગ લાગે ત્યારે સાવચેતીના તેમજ કેવી રીતે એને કાબુમાં લઈ શકાય તે અંગેની ખાસ ટ્રેનિંગ આપવામાં આવી હતી, સાથે અવરનેસની જાગૃતિ સંસાધનો અને લાગતા વળગતા ડિઝાસ્ટરની માહિતી આપવામાં આવી હતી.
