ગીતા શિવશંકર સરોજને સમજ ના પડતા પાછળ ઉભેલા ઈસમો મશીન ખરાબ છે કહીં એટીએમમાંથી 40 હજાર કાઢી લીધા
(વર્તમાન પ્રવાહ વાપી બ્યુરો)
વાપી, તા.05
વાપી ભડકમોરામાં રહેતી મહિલા ગતરોજ ચાર રસ્તા સ્થિત એસ.બી.આઈ.ના એ.ટી.એમ.માં બેલેન્સ તપાસવા ભાઈની સાથે ગયેલી. પરંતુ એ.ટી.એમ.ની સિસ્ટમમાં ખબર ના પડતા પાછળ ઉભેલા ઈસમે ચાલાકીથી એ.ટી.એમ.માંથી મહિલાના એકાઉન્ડમાંથી 40 હજાર ઉપાડી લીધેલા. મહિલાએ પોલીસમાં ફરિયાદ નોંધાવી હતી.
પ્રાપ્ત વિગતો મુજબ ભડકમોરા વાપીમાં રહેતી ગીતા શિવશંકર સરોજ નામની મહિલા તેના ભાઈ સાથે હાઈવે ચાર રસ્તા પાસે એસ.બી.આઈ.ના એ.ટી.એમ.માં બેલેન્સ તપાસવાગયેલી, કાર્ડ નાખ્યા પછી સમજ પડેલી નહી તેથી પાછળ ઉભેલા ઈસમે મદદ કરી હતી અને કાર્ડ પરત આપી દીધેલ તે પછી ગીતાબેનના ફોનમાં ખાતામાંથી 40 હજાર વિડ્રો કરાયાનો મેસેજ આવતા ચક્કર ખાઈ ગયા હતા. છેતરપીંડી અંગે તાત્કાલિક તેઓ પોલીસ સ્ટેશને પહોંચીને લેખિતમાં ફરિયાદ આપી હતી. પોલીસે સી.સી.ટી.વી. ફુટેજ મેળવી કાર્ડ બદલી નાખનાર આરોપીને પકડયાની તજવીજ હાથ ધરી છે. એ.ટી.એમ.માં આવા પ્રકારના ફોડ બનતા રહે છે તેથી સતર્કતા ખુબ જરૂરી છે.
