March 29, 2024
Vartman Pravah
Breaking Newsડિસ્ટ્રીકટદમણદેશ

દમણ ખાતે ‘ઈન્‍ડિયા ડે’માં ઉમટેલો માનવ મહેરામણઃ પેદા થયેલો ઉત્‍સવનો માહોલ

દમણમાં વસવાટ કરતા વિવિધ પ્રદેશોના લોકો પોતાના પરિધાનમાં આવ્‍યા હતા, સ્‍થાનિક લોકોએ પોતાના પારંપારિક પોશાકની સાથે ઢોલ, નગારા, મંજીરા, લેઝીમના તાલ સાથે સમગ્ર વાતાવરણ આનંદમય અને ભારતમય બની ગયું હતું

(વર્તમાન પ્રવાહ ન્‍યુઝ નેટવર્ક)
દમણ, તા.13: સંઘપ્રદેશના પ્રશાસક શ્રી પ્રફુલભાઈ પટેલની પહેલ અને દિશા-નિર્દેશ હેઠળ આજે દમણ અને સેલવાસમાં અલગ અલગ વિવિધતામાં એકતાના ભાવ પેદા કરતા ‘ઈન્‍ડિયા ડે’ની ઉજવણી કરવામાં આવી હતી. જેમાં દમણ ખાતે લગભગ 15 હજાર કરતા વધુ લોકોએ ભાગ લીધો હતો.
આજે સાંજે મોટી દમણના જમ્‍પોર બીચ ખાતે એક ઉત્‍સવનું વાતાવરણ ઉભું થયું હતું. દમણમાં વસવાટ કરતા વિવિધ પ્રદેશોના લોકો પોતાના પરિધાનમાં આવ્‍યા હતા. સ્‍થાનિક લોકોએ પોતાના પારંપારિક પોશાકની સાથે ઢોલ, નગારા, મંજીરા, લેઝીમના તાલ સાથે સમગ્ર વાતાવરણ આનંદમય અને ભારતમય બની ગયું હતું.
જિલ્લા કલેક્‍ટર ડો. તપસ્‍યા રાઘવ, જિલ્લા પંચાયતના મુખ્‍ય કાર્યકારી અધિકારી શ્રી આશિષ મોહન, ડેપ્‍યુટી કલેક્‍ટર શ્રી મોહિત મિશ્રા, એસ.પી. શ્રી અમિત શર્મા, એસડીપીઓ શ્રી મણી ભૂષણ સિંઘ, મામલતદાર શ્રી સાગર ઠક્કર, બીડીઓ શ્રી પ્રેમજીભાઈમકવાણા સહિત અધિકારીઓ ખડેપગે તૈનાત રહ્યા હતા.
સાંસદ શ્રી લાલુભાઈ પટેલ, દમણ જિલ્લા પંચાયતના પ્રમુખ શ્રી નવિનભાઈ પટેલ, દમણ નગરપાલિકાના અધ્‍યક્ષ શ્રીમતી સોનલબેન પટેલ, ડીઆઈએ અધ્‍યક્ષ શ્રી પવન અગ્રવાલ સહિત જિલ્લા પંચાયતના સભ્‍યો, ગ્રામ પંચાયતના સરપંચો તેમજ આમ નાગરિકો તથા શ્રમિકોની મોટી સંખ્‍યામાં ઉપસ્‍થિતિ રહી હતી.
‘ભારત માતા કી જય’ અને ‘વંદે માતરમ્‌’ના નારાઓ પણ ગુંજી ઉઠયા હતા. દમણમાં રહેતા પરપ્રાંતના લોકોએ પોતાની પારંપારિક સંસ્‍કૃતિની ઝલક પણ બતાવી હતી. દમણવાડા ગ્રામ પંચાયતના સોપાની માતા મંડળ દ્વારા ઘેરૈયા નૃત્‍ય પ્રસ્‍તુત કરાયું હતું.
‘એક ભારત શ્રેષ્‍ઠ ભારત’ના નારાને પણ બુલંદ કરાયો હતો. મોટી દમણ લાઈટ હાઉસ ખાતે રેલી કમ કાર્નિવલના સમાપન પહેલાં ફાયર બ્રિગેડ દ્વારા ત્રિ કલર પાણીના ફૂવારા છોડાયા હતા. કોસ્‍ટગાર્ડના હેલિકોપ્‍ટર દ્વારા તિરંગો લહેરાવવામાં આવ્‍યો હતો અને રાષ્‍ટ્રગાન સાથે કાર્યક્રમની સમાપ્તિ થઈ હતી.

Related posts

ધરમપુર જિલ્લા વિજ્ઞાન કેન્‍દ્ર ખાતે વર્લ્‍ડ ફૂડ સેફટી ડે ની કરાયેલી ઉજવણી

vartmanpravah

ટ્‍વિન હોસ્‍પિટલ વાપી ખાતે ‘‘પ્રધાનમંત્રી ટીબી મુક્‍ત ભારત અભિયાન 2025” અંતર્ગત કાર્યક્રમ યોજાયો

vartmanpravah

કપરાડા કુંભઘાટમાં વરસાદી ખાડાઓને લઈ બે દિવસમાં ત્રણ ટ્રક પલટી મારી ગઈ

vartmanpravah

દમણ જિલ્લામાં હવેથી જાહેર અને ખાનગી જગ્‍યામાં પોલીથીન પ્‍લાસ્‍ટિક ખાલી ડબ્‍બા બોટલ કે કચરો રઝળતો દેખાશે તો થનારી દંડાત્‍મક કાર્યવાહી

vartmanpravah

પ્રશાસક પ્રફુલભાઈ પટેલના માર્ગદર્શનમાં આટિયાવાડ પંચાયતમાં યોજાયો જીએસટી કેમ્‍પ

vartmanpravah

દમણથી ગીર સોમનાથ દારૂ હેરાફેરી કરતી કારને પારડી હાઈવેથી એલસીબીએ ઝડપી

vartmanpravah

Leave a Comment