(વર્તમાન પ્રવાહ ન્યુઝ નેટવર્ક)
પારડી, તા.21
પારડી નેશનલ હાઈવે નંબર 48 પર પોલીસ મથકના સામેના બ્રિજ પર આજે શુક્રવારના રોજ વહેલી સવારે સુરત તરફ જતું એક ટ્રેલર નંબર પ્ણ્ 15 જ્સ્ 1386 ના ચાલકને ઝોકું આવી જતા તેણે સ્ટેરીંગ પરથી કાબુ ગુમાવ્યો હતો અને ધડાકાભેર આગળ ચાલતી ટ્રકમાં ઘૂસી જતા ગંભીર અકસ્માત સર્જાયો હતો. આ અકસ્માતમાં ટ્રેલરનો ચાલક ઝાહીદ ઈલિયાસ ખાન રહે.મુંબઈ ઇજા સાથે કેબિનમાં ફસાઈ જતા હાઈવેથી પસાર થતાં રાહદારીઓ અને 108 એમ્બ્યુલન્સની ટીમે ભારે જહેમતે ચાલકને બહાર કાઢી સારવાર માટે વલસાડ સિવિલ હોસ્પિટલ ખસેડ્યો હતો. આ અકસ્માતને પગલે ઓવર બ્રિજ પર ટ્રાફિક જામના દ્રશ્યો સર્જાતા પોલીસે ક્રેન મંગાવી અકસ્માત થયેલા ટ્રેલરને સાઈડે કરી ટ્રાફિક રાબેતા મુજબ કર્યો હતો.
