તા.30 ઓગસ્ટ સુધી સર્કલ ઓફિસ ડિવિઝન સબ ડિવિઝન કચેરીઓ ખાતે તમામ કેડરના કર્મચારી દેખાવો કરશે
(વર્તમાન પ્રવાહ વાપી બ્યુરો)
વાપી, તા.24: ગુજરાત રાજ્યની સંયુક્ત ઉર્જા સંકલન સમિતિએ ગત તા.05 ઓગસ્ટે આપેલ અંતિમ આંદોલન નોટિસ અન્વયે આવતીકાલ તા.25મીથી તા.30મી ઓગસ્ટ સુધી તમામ કેડરના કર્મચારીઓ આંદોલન કરશે. માંગણીઓ નહીં સંતોષાય તો તા.01 સપ્ટેમ્બરથીબેમુદતી હડતાલનું વિજ કર્મચારીઓએ રણસીંગુ ફૂંકી દીધું છે. આ આંદોલનમાં વલસાડ જિલ્લાના તમામ વિજ કર્મચારી પણ જોડાશે.
વિશ્વ કંપનીઓના કર્મચારીઓની માંગણી છે કે કેન્દ્ર સરકાર દ્વારા સાતમા વેતન પંચ અંતર્ગત મળવાપાત્ર એલાઉન્સ તથા બેઝીકોની સાથે સાથે એચ.આર.એ. સહ તમામ લાભ મળવા જોઈએ જે હાલ કર્મચારીઓ વંચિત છે. આ બાબતે સંકલન સમિતિએ વિનંતી સાથે જણાવ્યું હતું કે, વિજ કર્મચારીઓની મહેનત થકી ગુજરાત રાજ્યને દેશમાં એક રેટીંગ સાથે ઉચ્ચ સ્થાન મેળવ્યું છે. જો માંગણી સંતોષાય તો કર્મચારીઓ ડબલ ઉત્સાહ સાથે કામ કરશે, નહી તર તા.30 બાદ તા.01 સપ્ટેમ્બરથી તમામ કર્મચારીઓ બેમુદતી હડતાલ ઉપર ઉતરશે તેવી ચિમકી સંકલન સમિતિ દ્વારા ઉચ્ચારવામાં આવી છે.