(વર્તમાન પ્રવાહ ન્યુઝ નેટવર્ક)
સેલવાસ,તા.24: દાદરા નગર હવેલી પોલીસ દ્વારા સેલવાસના જવેલર્સને સોનાની ચેન ચોરી ફરાર થયેલ આરોપીને મુદ્દામાલ સાથે ધરપકડ કરવામાં આવી છે. ફરિયાદી એડવેન્ચર જવેલર્સના માલિક સુમેર કંકરાજ જૈન રહેવાસી પ્રમુખ ગાર્ડન સેલવાસ જેઓએ નોંધાવેલ ફરિયાદ આધારે એમની જવેલર્સની દુકાનમાં એક અજાણ્યો યુવાન એકતોલાની ચેન જેની અંદાજીત કિંમત સાઈઠ હજાર જે લઈને ફરાર થઈ ગયો હતો. જે આખી ઘટના સીસીટીવી કેમેરામા કેદ થઈ હતી તેના આધારે સેલવાસ પોલીસે આઇપીસી 380 મુજબ ફરિયાદ નોંધી પીઆઈ સબાસ્ટીયન દેવાસ્યાના નેતૃત્વમાં એક ટીમ બનાવી સીસીટીવી ફુટેજના આધારે તપાસ કરતા આરોપી યશ રાજેશ ફુલહારી (ઉ.વ.19)રહેવાસી સેલવાસ જેને શોધી ધરપકડ કરવામાં આવી હતી. એની પૂછપરછ દરમ્યાન ગુનો કબુલ કર્યો હતો. આરોપી પાસેથી પોલીસ દ્વારા સોનાની ચેન જપ્ત કરવામા આવી છે.
