November 30, 2025
Vartman Pravah
Breaking Newsગુજરાતડિસ્ટ્રીકટદમણદીવદેશવલસાડવાપી

રાષ્ટ્રપતિ શ્રેષ્‍ઠ શિક્ષક એવોર્ડ-2019 વિજેતા વિરેન્‍દ્રભાઈ પટેલનું વાપી પી.ટી.સી. કોલેજમાં ‘શિક્ષક દિન’ નિમિત્તે કરાયેલું સન્‍માન

(વર્તમાન પ્રવાહ ન્‍યુઝ નેટવર્ક)
વાપી,તા.07: ગત તા.5મી સપ્‍ટેમ્‍બર રોજ ‘શિક્ષક દિવસ’ નિમિત્તે વાપી ખાતે આવેલ શ્રી ખંડુભાઈ હરિભાઈ દેસાઈ પુરુષઅધ્‍યાપન મંદિર, મુકામે વર્ષ 2019માં રાષ્ટ્રપતિના હસ્‍તે શ્રેષ્ઠ શિક્ષકનો એવોર્ડ વિજેતા શ્રી વિરેન્‍દ્રભાઈ શાંતુભાઈ પટેલ (રહેવાસી ભીમપોર નાની દમણ)નું પુષ્‍પગુચ્‍છ, સન્‍માનપત્ર અને શાલ ઓઢાડી સન્‍માન કરવામાં આવ્‍યું હતું. શ્રી વીરેન્‍દ્ર પટેલ હાલ દમણની સરકારી ઉચ્‍ચ પ્રાથમિક શાળા દેવકા કોલોની ઈન્‍ચાર્જ હેડ માસ્‍તર તરીકે કાર્યરત છે. દર વર્ષે માનવ સંસાધન વિકાસ મંત્રાલય, દિલ્‍હી (શિક્ષણ મંત્રાલય) આયોજિત આ શ્રેષ્ઠ શિક્ષક રાષ્ટ્રપતિ એવોર્ડ દેશના મહામહિમ રાષ્ટ્રપતિના હસ્‍તે શિક્ષણ ક્ષેત્રે વિશેષ કામગીરી કરનાર શિક્ષકોને આપીને પ્રોત્‍સાહિત કરવામાં આવે છે. વાપીની સદર કોલેજમાં એક તાલીમાર્થી તરીકે 2001-’03 દરમિયાન સ્‍વ. મહેશભાઈ પટેલના આચાર્યપદ હેઠળ કેળવણી મેળવી ગુરુજી અને સંસ્‍થાનું નામ રાષ્ટ્ર કક્ષાએ ઉજાગર કરવા બદલ કોલેજના હાલના આચાર્ય શ્રી ડૉ. કિરણભાઈ પટેલ અને સંસ્‍થાના અધ્‍યાપક તેમજ તાલીમાર્થીઓએ શ્રી વિરેન્‍દ્રભાઈને શુભેચ્‍છાઓ પાઠવી હતી. પ્રવર્તમાન તાલીમાર્થીઓને પ્રેરણા મળે તેમજ વિરેન્‍દ્ર પટેલ પોતાના સેવાકાર્યમાં સતત પ્રવૃત્ત રહી શિક્ષણની આ રાહને વધુ ઉજ્જવળ દિશામાં વહાવે એવા શુભ આશીર્વચનસહ ડૉ. સર્વપલ્લી રાધાકૃષ્‍ણન અને માઁ સરસ્‍વતીના તસવીર આગળ દીપ પ્રજવલિત કર્યા હતા. આ પ્રસંગે આચાર્ય ડૉ. કિરણભાઈ પટેલે શ્રીવિરેન્‍દ્રભાઈ પટેલને એવોર્ડ મેળવી સંસ્‍થાનું નામ રોશન કરવા બદલ અભિનંદન પાઠવ્‍યા હતા. શ્રી વિરેન્‍દ્રભાઈ પટેલે કોલેજની જૂની યાદો તાજી કરીને વર્તમાન તાલીમાર્થીઓને શિક્ષિત સમાજનું ઘડતર અને દેશની પ્રગતિ માટે શિક્ષકનું કર્તવ્‍ય, યોગદાન અને જવાબદારી અંગે સમજ આપી અને પ્રોત્‍સાહિત કર્યા હતા તેમજ સફળ થવા માટેના જીવનસૂત્ર બતાવ્‍યા હતા.
શિક્ષણ અને સમાજ માટે ગૌરવસમા આ શિક્ષકશ્રી અને એમના પરિવારે પી.ટી.સી. કોલેજ પરિવાર સમક્ષ આભાર વિધિ પ્રગટ કરી હતી. શ્રી વિરેન્‍દ્રભાઈ પટેલે ભવિષ્‍યમાં પણ શિક્ષણના યજ્ઞમાં કર્મની આહુતિ આપતા રહેવાની પ્રતિજ્ઞા લીધી હતી.

Related posts

વલસાડમાં ટીબીના દર્દીની સારવારમાં મદદરૂપ થતા નિક્ષય મિત્રોના સન્માન સાથે વિશ્વ ક્ષય દિવસ ઉજવાયો

vartmanpravah

સેલવાસ ઝંડાચોક શાળાના આચાર્ય સુઝાન જીસસ માઉન્‍ટ એવરેસ્‍ટ સર કરવા નીકળનારા પ્રદેશના પહેલા મહિલા

vartmanpravah

વિધાનસભા ચૂંટણીઃ 2022 લોકશાહીના મહાપર્વમાં વલસાડ જિલ્લાની 5 બેઠક પર 35 ઉમેદવારો ચૂંટણી જંગ લડશે: સૌથી વધુ 9 ઉમેદવાર અને સૌથી વધુ 3 અપક્ષ ઉમેદવારો પણ ધરમપુર બેઠક પર

vartmanpravah

ચીખલીના તલાવચોરામાં દિપડો દેખાયો

vartmanpravah

વાપીમાં એલ.આઈ.સી. એજન્‍ટોએ વિવિધ માંગણી માટે આંદોલન સાથે એક દિવસની હડતાલ

vartmanpravah

બિહારના મુખ્‍યમંત્રી નીતીશ કુમાર ભ્રષ્‍ટાચારના વિરૂદ્ધ ઝીરો ટોલરન્‍સની નીતિ ધરાવતા સમગ્ર દેશમાં એકમાત્ર નેતાઃ ધર્મેશસિંહ ચૌહાણ, દાનહ-દમણ-દીવ પ્રદેશ જનતાદળ(યુ) પ્રમુખ

vartmanpravah

Leave a Comment