જય અંબે સખી મંડળ નામનું બોગસ સંસ્થા બનાવી પ્રમુખ-મંત્રી બનાવાય હતા
(વર્તમાન પ્રવાહ વાપી બ્યુરો)
વાપી, તા.17: વલસાડ જિલ્લા ગ્રામ વિકાસ એજન્સી જુદા જુદી સખી મંડળોને 30 હજારનું રિવોલીંગ ફંડ આપે છે. આ ફંડમેળવવા એજન્સીના હંગામી કર્મચારીઓના મેળાપીપણામાં રૂા.6.30 લાખના ફંડની ઉચાપત કરનારા ત્રણ વિરૂધ્ધ પોલીસ ફરિયાદ નોંધાઈ હતી. તેથી જેલમાં ના જવુ પડે તે માટે આગોતરા જામીનની અરજી વલસાડ સેસન્સ કોર્ટમાં કરાઈ હતી. જેની સુનાવણી હાથ ધરાતા નામદાર કોર્ટે ત્રણેય આરોપીઓની જામીન અરજી ફગાવી દીધી હતી.
વલસાડ જિલ્લા ગ્રામ વિકાસ એજન્સી દ્વારા સખી મંડળને આપવામાં આવતા 30 હજારના રિવોલીંગ ફંડની ઉચાપત કરવા માટે ગ્રામ વિકાસ એજન્સીમાં હંગામી ધોરણે ફરજ બજાવતા ભૂમિકા જગદીશ પટેલ, ટેલી ઓપરેટર, મેનેજર સંતોષ દિના કરણ અને આયુષી મુકેશ પટેલએ જય અંબે સખી મંડળ નામનું બોગસ સખી મંડળ ઉભુ કરી ખોટા-ખરા પ્રમુખ/મંત્રી બનાવી ગ્રામ વિકાસ એજન્સીમાં રૂા.6.30 લાખની ઉચાપત કરી હતી. પોલીસ ફરિયાદ બાદ ધરપકડથી બચવા ત્રણેય આરોપીઓ સેસન્સ કોર્ટમાં આગોતરા જામીન માટે અરજી કરી હતી. જેની સુનાવણી હાથ ધરાતા સરકારી વકીલ અનિલ ત્રિપાઠીની દલીલો ગ્રાહ્ય રાખી જજશ્રી પ્રકાશ પટેલએ ત્રણેય આરોપીની આગોતરા જમીનની અરજી ફગાવી દીધી હતી.
