સુપ્રિ. રામકિશોર શ્રીનારાયણ મીના ઝડપાયો તથા અન્ય આરોપી ગુરપિન્દર સિંઘ કાર્યવાહી સમયે હાજર નહોતો
(વર્તમાન પ્રવાહ વાપી બ્યુરો)
વાપી, તા.17: વાપીના એક લેબર કોન્ટ્રાક્ટરની પેઢી માતૃશ્રીના નામે કાર્યરત હતી. જે પેઢીનો બાકી નિકળતો સર્વિસ ટેક્ષ ભરપાઈ બાકી રહેલો તેની નોટિસ મળ્યા બાદ લેબક કોન્ટ્રાક્ટરે ભરપાઈ કરી દીધેલ હતો. તેમ છતાં વાપી સેન્ટ્રલ જી.એસ.ટી. અને સેન્ટ્રલ એક્સાઈઝ ડીપાર્ટમેન્ટના અધિકારી વર્ગ-2ના સુપ્રિટેન્ડન્ટ ઈન્સ્પેક્ટર વર્ગ-1ના બન્ને અધિકારીઓ લેબર કોન્ટ્રાક્ટર પાસે 20 હજારની માંગણી કરી રહ્યા હતા. જે કોન્ટ્રાક્ટરે નહી આપી એ.સી.બી. સુરતને ફરિયાદ કરી હતી.
સુરત એ.સી.બી. સ્ટાફે તા.16 મંગળવારે એક્સાઈઝ-જી.એસ.ટી. ભવન વાપીના રૂમ નં.103 (ડિવિઝન 11) માં ફરજ બજાવતા વર્ગ-2 સુપ્રિન્ટેન્ડન્ટ રામકિશોર મીના (નોન ગેઝેટેડ) તથા ઈન્સ્પેક્ટર ગુરુપિન્દર મુખ્તિયાર સિંઘ લેબરકોન્ટ્રાક્ટર પાસે એ.સી.બી. દ્વારા ગોઠવાયેલ છટકામાં રૂા.20 હજારની લાંચ લેતા રંગે હાથ ઝડપાઈ ગયા હતા. સુપ્રિટેન્ડન્ટ અને ઈન્સ્પેક્ટર મેળાપીપણામાં ફરિયાદીને હેરાન કરતા રહેલા તેથી ફરિયાદીએ એ.સી.બી.માં ફરિયાદ કરી હતી. કાર્યવાહી સમયે તપાસમાં મુખ્તિયાર સિંઘની ભાળ મળી નહોતી. સમગ્ર કાર્યવાહી એ.સી.બી. ફિલ્ડ ઓફીસર શ્રીમતી એ.કે. ચૌહાણની ટીમે સફળ ટ્રેપ ગોઠવી હતી.