(વર્તમાન પ્રવાહ વાપી બ્યુરો)
વાપી, તા.19: નવસારી કૃષિ યુનિવર્સિટી દ્વારા યોજાયેલ આંતર પોલીટેકનીક ચેસની સ્પર્ધામાં તા.17/10/2022ના રોજ બાગાયત પોલીટેકનીક, પરીયાના ટીમ મેનેજરશ્રી ર્ડા. હિમંત પટેલના નેતૃત્વ હેઠળ વિદ્યાર્થીઓ અને વિદ્યાર્થીનીઓએ ભાગ લીધો હતો. આ ચેસની સ્પર્ધા એગ્રીકલ્ચર કોલેજ વ્યારા ખાતે યોજવામાં આવેલ હતી. જેમાં ગર્લ્સ ટીમમાં પટેલ દિવ્યા, ચૌહાણ દેવાંગી, કોડપુલ્લી આદિથ્યા, પટેલ હરિણી, પટેલ ભામિની આ ટીમે પ્રથમ વિજેતાનો ટાઈટલ જીતી લીધો હતો. તથા બોયઝ ટીમમાં અધયારૂ કિશન, ભંડેરી હિમાંશુ, રાવલ કુલદિપ, નાયક દેવ, ડાભી અભિષેક આ ટીમ દ્વિતીય ક્રમે વિજેતા થયા હતા. આમ, આ ચેસની સ્પર્ધામાં જીતનાર બન્ને ટીમોને ટ્રોફી અને પુરસ્કારથી સન્માનિત કરવામાં આવ્યા હતાં. આ અનેરી સિધ્ધિ માટે બાગાયત પોલીટેકનીક પરીયાના આચાર્ય ર્ડા.શરદ એસ. ગાયકવાડ અને તમામ સ્ટાફગણ તરફથી ચેસની સ્પર્ધામાં જીતનાર રમતવીરો અને ટીમ મેનેજરને હર્ષભેર અભિનંદન પાઠવવામાં આવ્યા હતા. રમતવીરોએ મેળવેલ જીતની ટ્રોફીથી બાગાયત પોલીટેકનીક પરીયાને ચાર ચાંદ લાગી ગયા હતા.
