ઠંડીની ઋતુમાં શરદી, ખાંસી, તાવમાં હોમિયોપેથી દવાઓ વૃધ્ધોને ઉપયોગી બનશે
(વર્તમાન પ્રવાહ વાપી બ્યુરો)
વાપી, તા.01: પારડી ડુંગરી રોડ ઉપર પરીયા ગામે આવેલ આધાર ટ્રસ્ટ સંચાલિત હોમિયોપેથી ચિકિત્સાલય વાપી દ્વારા વયસ્કોને ઠંડીની ઋતુમાં રોગપ્રતિકારક શક્તિ વિકસે એવા હેતુ સાથે હોમિયોપેથી દવાઓનું વિતરણ કરવામાં આવ્યું હતું.
વૃધ્ધાવસ્થામાં ઠંડીની ઋતુ દરમિયાન શરદી, ખાંસી, તાવ જેવી બિમારીઓની સંભાવના વધુ રહે છે તેથી મંગળવારે આધાર ટ્રસ્ટ સંચાલિત વૃધ્ધાશ્રમ પરીયામાં રાજસ્થાન પ્રગતિ મંડળ સંચાલિત હોમિયોપેતી ચિકિત્સાલયના પ્રભારી ડો.તનુ છાબડા દ્વારા દવા વિતરણ કાર્યક્રમ યોજાયો હતો. સંસ્થામાં રહેતા વૃધ્ધોને નિઃશુલ્ક દવાઓ આપવામાં આવી હતી. આ પ્રસંગે ચિકિત્સાલય પ્રભારી સજ્જન સિંઘલે જણાવ્યું હતું કે, ટ્રસ્ટ દ્વારા સમયે સમયે આવા કાર્યક્રમ રાખવામાં આવે છે જેથી વૃધ્ધો પરેશાની મુક્ત સ્વસ્થ જીવન જીવી શકે. ટ્રસ્ટના ટ્રસ્ટીઓએ અને વરિષ્ઠ નાગરિકોએ કાર્યક્રમમાં ઉપસ્થિત રહ્યા હતા.
