પોલીસ જોઈ ચાલક ડમ્પર ભગાડી આગળ ઉભુ કરી ભાગી છૂટયો : ડમ્પર સાથે પોલીસે રૂા.24.90 લાખનો મુદ્દામાલ જપ્ત કર્યો
(વર્તમાન પ્રવાહ વાપી બ્યુરો)
વાપી, તા.13: ગુજરાત રાજ્યની ચૂંટણી જાહેર થતાની સાથે બુટલેગરોએ ગુજરાતમાં દારૂ ઘૂસાડવાના ધમપછાડા ચાલુ કરી દીધા છેતેવો પર્દાફાસ વલસાડ એલ.સી.બી. અને ડુંગરી પોલીસે કર્યો છે. ગત રાતે વલસાડ વાઘલધરા હાઈવે ઉપરથી પોલીસે રૂા.14.90 લાખનો દારૂનો અધધ જથ્થો ભરેલ ડમ્પર ઝડપી પાડયુ હતું.
વલસાડ એલ.સી.બી.ને મળેલ બાતમી આધારે ડુંગરી પોલીસ સાથે વાઘલધરા પાસે હાઈવે ઉપર શનિવારે રાતે વોચ ગોઠવી હતી તે દરમિયાન વાપી તરફથી આવી રહેલ ડમ્પર નં.જીજે 05 બીએક્સ 8720 ને અટકાવવા પોલીસે કોશિષ કરેલ પરંતુ ચાલક ડમ્પર ભગાડી આગળ પાર્ક કરી જંગલમાં ભાગી ગયો હતો. પોલીસે ડમ્પરમાં તપાસ કરી હતી. જેમાં 345 પેટી જુદી જુદી દારૂની બ્રાન્ડની પેટીઓ બોટલ નં.12828 મળી હતી. દારૂનો જથ્થો રૂા.14.90 લાખ અને ડમ્પર રૂા.10 લાખ મળી પોલીસે રૂા.24.90 લાખનો મુદ્દામાલ જપ્ત કરી વધુ તપાસ ડુંગરી પોલીસે હાથ ધરી હતી. ડમ્પર સુરતનું હોવાથી જથ્થો સુરતમાં ઘૂસાડવાનો હોવાનું અનુમાન પોલીસ કરી રહી છે.
