સુપર ઈન્સુલેશન એન્ડએલ્યુમિનિયમ કંપનીમાં મળસ્કે તસ્કરો ત્રાટક્યા : રોકડા સહિત લાખોની મત્તા ચોરાઈ
(વર્તમાન પ્રવાહ વાપી બ્યુરો)
વાપી, તા.19: વાપી નેશનલ હાઈવે ઉપર આવેલ વાઈબ્રન્ટ ઈન્ડસ્ટ્રીયલ પાર્કમાં આજે મંગળવારે મળસ્કે એક કંપનીમાં તાળા વાળુ શટર તોડી તસ્કરો કંપનીમાંથી ડિઝીટલ તિજોરી સહિત લાખોની માલમત્તા રોકડાની ચોરી થઈ હતી.
પ્રાપ્ત વિગતો અનુસાર વાપી નેશનલ હાઈવે ઉપર આવેલ વાઈબ્રન્ટ ઈન્ડસ્ટ્રીયલ પાર્ક એન્ડ માર્કેટમાં કાર્યરત, સુપર ઈન્સ્યુલેશન એન્ડ એલ્યુમિનિયમ નામની કંપનીમાં આજે મંગળવારે મળસ્કે તસ્કરોએ કંપનીને ટારગેટ કરી લાખોની ચોરી કરી ફરાર થઈ ગયા હતા. કંપની સંચાલક મોહંમદ દલવલા સવારે કંપની ઉપર આવ્યા તો શટર તૂટેલું જોતા ચોરી થયાનું માલુમ પડયું હતું. કંપની ખોલી તપાસ કરી તો 40 કીલો ઉપરાંતની વજન ધરાવતી ડિઝિટલ તિજોરી જ આખી ગાયબ હતી. તિજોરીમાં રોકડા રૂા.1.12 લાખ રાખેલા હતા તથા ઓફીસ ટેબલ ફર્નિચર વેરવિખેર હતા. જેમાં આર.સી.બુક અને ઓફીસ પેપર ગાયબ હતા. ઘટના અંગે વાપી પોલીસને જાણ કરતા પોલીસ ઘટના સ્થલે પહોંચી હતી. કંપની સંચાલકે જણાવ્યું હતું કે, ઘટના સી.સી.ટી.વી.માં કેદ છે. કોઈ પૂર્વ કર્મચારી નોકરી કરેલ હોય તે સંકળાયેલ હોવાની આશંકા વ્યક્ત કરી હતી. બીજુ તિજોરી ડિઝીટલહોવાથી ભંગારવાળા પાસે તિજોરી કપાવી પડશે બાકી સીધી ચોરો ખોલી નહી શકે.
