(વર્તમાન પ્રવાહ ન્યુઝ નેટવર્ક)
સરીગામ, તા.17: ભીલાડ નજીક નંદીગામ ખાતે હાઈવે ઉપર વાહન ચેકિંગ કરવા માટે ઊભી કરવામાં આવેલી ચેક પોસ્ટ ઉપર ફલાઈંગ સ્ક્વોર્ડની ટીમે રૂા.4,87,390 રોકડ રકમ જપ્ત કરી હોવાની માહિતી પ્રાપ્ત થવા પામી છે. ઘટના સાંજના 6.30 કલાકના અરસાના સમયે વાહન ચેકિંગ દરમિયાન બનવા પામી છે. મુંબઈ તરફ જતી મારૂતિ ગાડી નંબર જીએ-07-કે-6418માં તપાસ કરતા ડ્રાઇવરની બાજુની સીટ ઉપર રાખવામાં આવેલી ચલણી નોટો મળી આવી હતી. જેના સંદર્ભમાં વાહનના ચાલક ફિરોજ ચિલ્લી ખાતિરને પુછપરછ કરતા સંતોષકારક જવાબ આપવામાં નિષ્ફળ ગયા હતા. જેથી રૂપિયા 4,87,390ને જપ્ત કરી આધાર પુરાવા રજૂ કરવા જણાવવામાં આવ્યું છે.
