(વર્તમાન પ્રવાહ ન્યુઝ નેટવર્ક)
સેલવાસ,તા.21: દાદરા નગરહવેલીના આંબોલી પંચાયતના સહોયગથી રોટરીક્લબ ઓફ દાદરા નગર હવેલી દ્વારા ગ્રામ પંચાયત હોલ ખડોલી ખાતે વિનામૂલ્યે આંખની તપાસ અને મોતિયાના ઓપરેશનનો શિબિર અગામી તા.27મી નવેમ્બરના રવિવારે સવારે 10:00 વાગ્યાથી બપોરે 1:00 વાગ્યા દરમ્યાન રાખવામાં આવેલ છે. આ શિબિરમાં શ્રીમતી લીલાવતીબેન મોહનલાલ શાહ આંખની હોસ્પિટલ રોટરી આઈ હોસ્પિટલ નવસારીના નિષ્ણાંત ડોક્ટરો અને ટીમ સેવા આપશે. મોતિયાના ઓપરેશન વિનામૂલ્યે કરવામાં આવશે અને જરૂરિયાતમંદ દર્દીને વિનામૂલ્યે ચશ્મા આપવામાં આવશે. આથી જાહેર જનતાને આ શિબિરનો લાભ લેવા માટે અનુરોધ કરવામાં આવ્યો છે.
