(વર્તમાન પ્રવાહ ન્યુઝ નેટવર્ક)
પારડી, તા.30: દમણથી એક કારમાં વિદેશી દારૂનો જથ્થો ભરી ત્રણ ખેપિયાઓ નીકળ્યા હોવાની બાતમી પારડી પોલીસને મળતા પારડી નેશનલ હાઈવે નંબર 48 વિશ્રામ હોટલ સામે વોચ ગોઠવી હતી અને બાતમી વાળી કાર પારડી ચાર રસ્તા ક્રોસ કરી ચૂકી હોવાની માહિતી મળતા હાઈવે પર પોલીસે ટ્રાફિક જામ કર્યો હતો અને આ ટ્રાફિકમાં બાતમી વાળી વેન્યુ કાર નંબર જીજે-15-સીએમ-9767 ફસાઈ જતાં પોલીસ દોડી જઈ કાર ચાલક હેમંત ઉર્ફે લાલુ દેવજીભાઈ પટેલ રહે.ધરમપુર રોડ અબ્રામા, અને સાથે બેસેલા અંકિત બચુભાઈ નાયકા અને ધર્મેશ ભાણાભાઈ પટેલ બંને રહે.વલસાડ અટક પારડી વચલું ફળિયાની ધરપકડ કરી હતી, અને કારમાંથી પોલીસને અલગ અલગ બ્રાન્ડની વિદેશી દારૂની બોટલ નંગ 402 જેની કિંમત રૂા.49800 નો જથ્થો હાથ લાગ્યો હતો. જેથી કાર અને ઝડપાયેલા આરોપી પાસેથી પોલીસે મોબાઈલ ફોન મળી કુલે રૂા.3,64,800નો મુદ્દામાલકબજે લેવામાં આવ્યો છે. આ દારૂનો જથ્થો દમણથી સાદ નામના ઈસમે ભરાવી આપ્યો હોવાનું અને વલસાડ અટક પારડી ખાતે રહેતી નિર્મલાબેન વિનોદભાઈ પટેલે મંગાવ્યો હોવાનું બહાર આવતા આ બંનેને વોન્ટેડ જાહેર કરવામાં આવ્યા છે.
