(વર્તમાન પ્રવાહ ન્યુઝ નેટવર્ક)
સેલવાસ,તા.04: દાદરા નગર હવેલી બિહાર જન સેવા સંઘ દ્વારા ડોકમરડીના ડો. રાજેન્દ્ર સેતૂ ખાતે ભારતના પ્રથમ રાષ્ટ્રપતિ ડો. રાજેન્દ્ર પ્રસાદની જન્મ જયંતીની ઉજવણી કરવામાં આવી હતી. જેમાં ઉપસ્થિત સંઘના પ્રતિનિધિઓએ સ્વતંત્ર ભારતના પ્રથમરાષ્ટ્રપતિ ડો. રાજેન્દ્ર પ્રસાદની તસ્વીર પર પુષ્પાંજલિ અર્પિત કરી હતી. આ અવસરે બિહાર જન સેવા સંઘના પ્રમુખ દ્વારિકાનાથ પાંડે, પી.સી.મિશ્રા સહિત સંઘના હોદ્દેદારો અને કાર્યકરો ઉપસ્થિત રહ્યા હતા.