November 30, 2025
Vartman Pravah
Breaking Newsઉમરગામગુજરાતડિસ્ટ્રીકટદમણપારડીવલસાડવાપીસેલવાસ

વાપી જુના શાકભાજી માર્કેટ ઉપર પાલિકાનો હથોડો : ડિમોલિશન સમયે અસામાજીક તત્ત્વોએ પથ્‍થરમારો કર્યો

ચોમાસામાં ગંદકીથી સબડતા-ભીડભાડ વાળી સમસ્‍યાનો કાયમી ઉકેલ આવશે : ડિમોલિશન બાદ 20 ફુટ પહોળો આર.સી.સી. રોડ બનશે


(વર્તમાન પ્રવાહ વાપી બ્‍યુરો)
વાપી, તા.25 : વાપી જુના શાકભાજી માર્કેટમાં અઢળક થયેલા ગેરકાયદે દબાણો હટાવવા માટે વર્ષો બાદ પાલિકા જાગી અને શનિવારે માર્કેટમાં થયેલા દબાણો હટાવવાની કામગીરી હાથ ધરી ડિમોલિશન માટે જે.સી.બી., ટ્રેક્‍ટર, પાલિકા સ્‍ટાફ અને પોલીસ ખડકી દેવાઈ હતી. કામગીરીના પ્રારંભ સાથે જ કેટલાક અસામાજીક તત્ત્વોના એકઠા થયેલાટોળાએ પથ્‍થરમારો શરૂ કરી દીધો હતો. જેમાં બે કર્મચારી ઘાયલ થયા હતા. મામલો વણશે તે પહેલા પોલીસે સમય સુચકતા વાપરી હંગામાને દબાવી દીધો છે તે પછી દિવસભર ડિમોલિશનની કામગીરી શાંતિપૂર્ણ ચાલુ રહી હતી.
વાપી જુનુ શાકમાર્કેટ એટલે ગંદકી અને ખભેથી ખભો અથડાય તેવી ગીચ સ્‍થિતિ વચ્‍ચે વર્ષોથી બરકરાર ચાલતુ રહ્યું હતું. 12 કલાક ટ્રાફિકની ભરમાર પ્રવર્તિ રહેતી હતી પરંતુ પાલિકા ઊંઘતી જ રહેલી. વચ્‍ચે એક-બે વખત પ્રયત્‍ન કરેલો પણ મામલો હેન્‍ડલ કરવાની ભુતકાળના શાસકોમાં ત્રેવડ જોવા મળી નહોતી. પરંતુ જે કામગીરી વર્ષો પહેલાં થવી જોઈતી હતી તે શનિવારે અંતે થઈને રહી. બીજી તરફ શાકભાજીના વેપારીઓ કે જેમની ગરાસ લૂંટાઈ રહી હતી ત્‍યારે ભારે બખાળા પણ કર્યા. જાણ વગર ડિમોલિશન કરાયું. વૈકલ્‍પિક જગ્‍યા ફાળવવી જોઈએ વગેરે વગેરે. પરંતુ પાલિકાએ કોઈનું પણ સાંભળ્‍યા વગર અંતે ડિમોલિશનનો હથોડો ગેરકાયદે દબાણો ઉપર ઝીંકી જ દીધો. ડિમોલિશન કામગીરી પૂર્ણ થયા બાદ માર્કેટમાં ખુલ્લી કરાયેલા જગ્‍યાએ 20 મીટર પહોળો આર.સી.સી. રોડ બનશે. વાપીના બ્‍યુટિફિકેશનમાં શાકભાજી માર્કેટ ડાઘ સમાન હતું તેની સ્‍થાને આગામી સમયે શાકભાજી માર્કેટની રોનક બદલાઈ જશે તેમજ શહેરને જરૂરી પર્યાપ્ત નાગરિકી સેવા પણ ઉપલબ્‍ધથશે.

Related posts

આજે વાપીમાં રાજસ્‍થાન પ્રગતિ મંડળ દ્વારા સ્‍વ. મંજુબેન દાયમાની 15મી પુણ્‍યતિથિએ રક્‍તદાન શિબિરનું આયોજન

vartmanpravah

વલસાડમાં 13 વર્ષિય કિશોરીનું ડેન્‍ગ્‍યુની સારવારમાં કરુણ મોત નિપજ્‍યું

vartmanpravah

આટિયાવાડ કુલોદય ઈન્‍ડસ્‍ટ્રીઝના રસ્‍તાના સમારકામ માટે પીડબ્‍લ્‍યુડીના કાર્યપાલક ઈજનેરને રજૂઆત કરતા મંડળ ભાજપ પ્રમુખ તિમિર પટેલ

vartmanpravah

સંઘપ્રદેશના આરોગ્‍ય વિભાગ દ્વારા ‘વિશ્વ ઝૂનોટીક દિવસ’ મનાવાયો

vartmanpravah

મોટી દમણના સામુદાયિક આરોગ્‍ય કેન્‍દ્રના સભાખંડમાં યોજાયેલ જન આરોગ્‍ય સમિતિની કાર્યશાળા

vartmanpravah

દમણનો ઝાંપાબાર વિસ્‍તાર આવતા દિવસોમાં રોટરી સ્‍ક્‍વેર કે રોટરી જંક્‍શન તરીકે પણ ઓળખાઈ શકે છેઃ અપૂર્વ પાઠક-અધ્‍યક્ષ દમણ રોટરી ક્‍લબ

vartmanpravah

Leave a Comment