છેલ્લા એક મહિનાથી દિપડો વારંવાર દેખાતો રહ્યો છે : અગાઉ એક દિપડો પાંજરે પુરાયો હતો
(વર્તમાન પ્રવાહ વાપી બ્યુરો)
વાપી, તા.02: પારડીના ડુમલાવ-પરીયા વિસ્તારમાં ઘણા સમયથી દિપડાનો રંજાડ થઈ રહ્યો છે. ગ્રામજનોમાં ભયનો માહોલ છવાયેલો રહ્યો છે. ગતરાતે દિપડાએ બકરાનુ મારણ કરતા ફરી વધુ ભય ફેલાઈ રહ્યો છે. જંગલ વિભાગે પાંજરુ ગોઠવ્યું હતું તેમાં એક દિપડો દશ દિવસ પહેલાં પુરાયો હતો હજુ પણ દિપડો દેખાતો રહ્યો છે.
પરીયા-ડુમલાવ વિસ્તારમાં વારંવાર દિપડો આવતો રહ્યો છે. રવિવારે રાતે સોમાભાઈ બાબરભાઈ આહિરના વાડામાં આવી દિપડાએ બકરાનું મારણ કર્યું હતું. સરપંચ પ્રકાશભાઈ પટેલએ ફરીથી વન વિભાગનું ધ્યાન દોર્યું હતું. અગાઉ દશ દિવસ પહેલા એક દિપડો પાંજરે પુરાયો હતો. ગ્રામજનોનું કહેવું છે કે બે થી ત્રણ દિપડા ફરી રહ્યા છે.
