(વર્તમાન પ્રવાહ ન્યુઝ નેટવર્ક)
ચીખલી,(વંકાલ), તા.05 : પ્રતિબંધિત ચાઈનીઝ દોરીના કારણે માનવજાત અને પશુ પક્ષીઓને ઈજા અને જાનહાની પણ થતી હોય છે જેને પગલે ચાઈનીઝ દોરી પર પ્રતિબંધ હોવા છતાં પણ કેટલાક લોકો ગેરકાયદેસર રીતે ચાઈનીઝ દોરીનું વેચાણ કરતા હોય છે. આ અંગે રાજ્યની વડી અદાલતે પણ સરકારની ઝાટકણી કરતા હરકતમાં આવેલ પોલીસે ચીખલી તથા આસપાસના વિસ્તારમાં દોરી પતંગના સ્ટોલ પર છાપા મારી ચીખલી એસટી ડેપો સામે સુનિલ હરીભાઈ આયરે (રહે.સાઈકળપા રેસિડેન્સી, ખત્રી પંચની વાડી પાછળ, તા.ચીખલી) આર.કે.ક્રેકર્સ નામની દુકાનના દિવ્યેશ ભીખુ ધોડિયા પટેલ (રહે. સાદકપોર, નાની કોળીવાડ)કીર્તિ પતંગ માજા નામની દુકાનના હેમંત કાંતિલાલ પટેલ (રહે.ખૂંધ સહયોગ સોસાયટી, તા.ચીખલી) આ ઉપરાંત જૂના વલસાડ રોડ કોળી સમાજની વાડી પાસે, ચીખલી પાસેથી મહેશ રમણ રાઠોડ જ્યારે રાનકુવા સર્કલ પાસે પૂજા દાંતના દવાખાના પાસેથી મેહુલ ગોવિંદ રાઠોડ તથા બગલાદેવ મંદિર થાલા પાસે તેજસ બાલુ પટેલ (રહે.પીપલગભણ ગાંધી ફળિયા, તા.ચીખલી) તથા દિપક નટુ હળપતિ (રહે.ખૂંધ) પાસેથી કાચ કરોટીની મિક્સ કબજે કરી કાયદેસરની કાર્યવાહી હાથ ધરી હતી.
એસઓજીએ ઘેકટીથી એકને ઝડપ્યો
આ ઉપરાંત એસ.ઓ.જી. પોલીસે ઘેકટી ગામના નિશાળ ફળિયામાં જાહેર માર્ગ ઉપર પ્રતિબંધિત ચાઈનીઝ રીલનો જથ્થો રાખનાર જવલ રમેશ પટેલ (રહે.ઘેકટી નિશાળ ફળીયા તા.ચીખલી)ને ઝડપી પાડી પલસાણા કોઈલી ખાડી ઓવરબ્રિજ નીચેથી ચાઈનીઝ માજાની રિલ વેચાણથી આપનારને વોન્ટેડ જાહેર કરી કાયદેસરની કાર્યવાહી કરી હતી.
