(વર્તમાન પ્રવાહ વાપી બ્યુરો)
વાપી, તા.06: વાપી ખાતે આવેલ પ્રસિધ્ધ સી.બી.એસ.સી. શાળા સમર્પણ જ્ઞાન સ્કૂલમાં ધૂમ ધામ પૂર્વક દસમાં વાર્ષિક ઉત્સવની ઉજવણી કરાઈ હતી. જેમાં પૂર્વ મંત્રી અને કપરાડા વિધાયક શ્રી જીતુભાઈ ચૌધરીએ મુખ્ય મહેમાન તરીકે હાજરી આપી હતી. લાયંસ કલ્બના ડિસ્ટ્રીક ગવર્નર અને સ્કૂલફાઉન્ડર ટ્રસ્ટી લાયન મૂકેશ પટેલ, જિલ્લા પંચાયતના સદસ્ય મિતેશ પટેલ, લાઈફ સ્કિલ ઈંટર્નેશનલ ટ્રેનર શ્રીમતી રેખા શાહ, રાતા ગામનાં સરપંચ શ્રીમતી નીલમ પટેલ, અને સ્કૂલ ચેઅરપર્સન લાયન હિના પટેલ અતિથિ વિશેષ રૂપે ઉપસ્થિત રહ્યા હતા. કાર્યર્ક્મની શરૂઆત પધારેલ અતિથિઓ દ્વારા દીપ પ્રજ્વલિત કરી કરાઈ હતી.
આ ખાસ અવસરે લાયંસ કલ્બના ડિસ્ટ્રીક ગવર્નર અને સ્કૂલ ફાઉન્ડર ટ્રસ્ટી લાયન મૂકેશ પટેલ, સ્કૂલ ચેઅરપર્સન લાયન હિના પટેલ અને આચાર્યા લાયન પાર્વતી પિઠાનીના હસ્તે મહેમાનોનું પુષ્પગુચ્છ તેમજ મોમેન્ટો આપી સ્વાગત સ્તકાર કરાયો હતો. લાયન મુકેશ પટેલે આ શુભ અવસરે વાર્ષિક મહોત્સવના હેતુ જણાવતા કહ્યું હતું કે બાળકોની પ્રતિભાને મંચ ઉપર લાવવું છે. આ કાર્યક્રમ થકી બાળકોની સુષુપ્ત શક્તિ જાગૃત કરી શકાય તેમજ આત્મવિશ્વાસની વૃધ્ધિ થાય. સાથેસાથે તેમણે પોતાના જીવનની થોડી રોચક વાતો દ્વારા હમણાં સુધીના સફરનું વર્ણન કર્યું હતું. સ્કૂલ ચેઅરપર્સન લાયન હિના પટેલે બાળકોને શુભેચ્છા પાઠવતા જીવનમાં આગળ વધવાની અને લક્ષ્ય પ્રાપ્તીના આશીર્વચનો આપ્યા હતા. આચાર્યા લાયન પાર્વતી પિઠાનીએ સ્કૂલનો એન્યુઅલ રીપોર્ટ આપતા શાળાની આખા વર્ષ દરમિયાનની પ્રવૃતિ તેમજ પ્રાપ્ત કરેલ સિધ્ધિઓ વિષે જણાવ્યુ હતું. લાઈફ સ્કિલ ઈંટર્નેશનલ ટ્રેનરશ્રીમતી રેખા શાહે વાલીઓ માટે ખાસ પોસેટિવ પેરેંટીગ વિષય પર માર્ગદર્શન આપ્યું હતું, અને મુખ્ય અતિથી શ્રી જીતુભાઈ ચૌધરીએ બાળકોને શિક્ષાનું જીવનમાં શું મહત્વ છે તે સમજાવ્યું હતું. આ કાર્યક્રમની થીમ ‘ગ્લોબલ ગોલ્સ’ રાખવામાં આવી હતી. જેમાં બાળકોએ વિવિધ કળતિઓથી સાંસ્કૃતિક કાર્યક્રમનું પ્રદર્શન કરી પધારેલ મહેમાનો અને વાલીગણને મંત્રમુગ્ધ કરી દીધા હતા.
કાર્યક્રમની થીમ (વિષય) ગ્લોબલ ગોલ્સ રાખવા પાછળનો હેતુ – હાલ વિશ્વમાં વ્યાપેલ પ્રાકળતિક અને માનવનિર્મિત કેટલાક અમાનનીય પગલાઓથી લોકોને અવગત કરી સામાજીક જાગૃતિ લાવવાનો હતો. જેમાં સત્તર જેટલા ગોલ્સ વિષે બાળકોએ નૃત્ય, નાટક અને સંગીત ગાન જેવી કળતિ રજૂ કરી દર્શકોનું ધ્યાન આકર્ષિત કર્યું હતું. શાળાનું સમગ્ર વાતાવરણ રંગીન અને ભાવવિભોર બની જવા પામ્યું હતું.
