પોલીસે દારૂ અને કાર મળી રૂા.3.55 લાખનો મુદ્દામાલ જપ્ત કર્યો
(વર્તમાન પ્રવાહ વાપી બ્યુરો)
વાપી, તા.20: વલસાડમાં આજે શુક્રવારે પોલીસે દારૂનો જથ્થો ભરેલી કારનો પીછો કરતા બુટલેગર કારને સિવિલ હોસ્પિટલના કમ્પાઉન્ડમાં છોડી ફરાર થઈ ગયો હતો.
પ્રાપ્ત વિગતો અનુસાર વલસાડ સીટી પોલીસને બાતમી મળી હતી તે અનુસાર સિવિલ રોડ ઉપર પેટ્રોલીંગ ગોઠવ્યુ હતું તે દરમિયાન બાતમી વાળી કારનં.15 પીપી 4479 આવતા પીછો કર્યો હતો પરંતુ કાર ચાલક બુટલેગર કાર ભગાડી છૂટયો હતો. બાદમાં સિવિલ હોસ્પિટલ કમ્પાઉન્ડમાં કાર છોડી ભાગી છૂટયો હતો. પોલીસે કારમાંથી દારૂનો જથ્થો 445 બોટલ કિં.55625 રૂા.નો મુદ્દામાલ કબજે કર્યો હતો. પોલીસે કાર સાથે રૂા.3.55 લાખનો મુદ્દામાલ જપ્ત કરી કાર ચાલકને વોન્ટેડ જાહેર કરી કાયદેસરની કાર્યવાહી કરી હતી.
