(વર્તમાન પ્રવાહ ન્યુઝ નેટવર્ક)
પારડી, તા.19: શ્રદ્ધા અને અંધશ્રદ્ધા સિક્કાની બે બાજુઓ છે. વ્યક્તિ ચાંદ અને મંગળ પર પહોંચ્યો હોવા છતાં એક મોટો વર્ગ અંધશ્રદ્ધામાં વિશ્વાસ રાખી અનેક નિર્દોષ પ્રાણીઓનો બલી તરીકેઉપયોગ કરી અનેક તાંત્રિક વિધિમાં એમનો ઉપયોગ કરવામાં આવે છે. સાપ, કાચબો કે પછી ઘુવડ જેવા પક્ષીઓનો આવી તાંત્રિક વિધિમાં ખાસ ઉપયોગ કરવા માટે મોટી રકમના સોદાઓ પણ થતા હોય છે. ઘુવડ દેવી લક્ષ્મીજીનું સવારી મનાતું હોય અનેક તાંત્રિકો અંધશ્રદ્ધાના ભાગરૂપે તાંત્રિક વિધિમાં બલી ચડાવવા તેનો ઉપયોગ કરતા હોય છે.
બરોડાની ક્રૂરતા નિવારણ સંસ્થાએ પારડી વન વિભાગ અધિકારીઓને વિરલ ધર્મેશભાઈ પટેલ રહે.અંબાચ પટેલ ફળિયા તાલુકા પારડી, પ્રવીણ નગીનભાઈ નાયકા રહે.કવાલ ખાડા કુવા ફળિયા, રેખા જીતેશભાઈ પટેલ રહે.જૂનું પટેલ ફળિયા ડોલવણ, જીતેશ મણીલાલ પટેલનાઓ આવું જ એક ઘુવડ વેચવાના હોવાની બાતમી પારડી વન વિભાગ અધિકારીઓને આપતા નાયબ વન સંરક્ષકશ્રી યાદુ ભારદ્રાજના માર્ગદશન હેઠળ મદદનીશ વન સંરક્ષક વલસાડ જે.જે.ભટ્ટ, શ્રી ડી.ટી.કોંકણી રેંજ ફોરેસ્ટ ઓફિસર પારડી, તેમજ એ.ટી.ટંડેલ રેંજ ફોરેસ્ટ ઓફિસર ઉમરગામ તેમજ પારડી તથા ઉંમરગામ રેંજનો સ્ટાફ સાથે રાખી વન્યપ્રાણી સંરક્ષણ અધિનિયમ 1972 હેઠળ વન ગુનામાં સંડોવાયેલાઓને ઝડપવા એક સ્ટિંગ ઓપરેશન ગોઠવી ડમી ગ્રાહક બની પારડી ચાર રસ્તા નજીક બોલાવતા સૌ પ્રથમ વિરલ ધર્મેશભાઈ પટેલ ચાર રસ્તા ખાતે આવ્યા બાદ તપાસ દરમિયાન વિશ્વાસઆવતા પ્રવીણ, તથા રેખા અને જીતેશને ઈશારાથી બોલાવતા જીતેશ અને રેખા બંને પતિ-પત્ની પોતાની સ્પ્લેન્ડર મોટર સાયકલ નબર જીજે 15 એમ 5599 પર સવાર થઈ વાસની ટોકરીમાં ઘુવડને લઈ આવી પહોંચતા પારડી રેન્જ ફોરેસ્ટ કચેરી તથા વોચમાં રહેલ તમામ અધિકારીઓએ આ ઘુવડ વેચવા આવેલ ત્રણને ઝડપી લીધા હતા. જ્યારે જીતેશ ભાગી છુટતા તેને વોન્ટેડ જાહેર કરાયો હતો. અને પકડાયેલ ત્રણેયને પારડી કોર્ટમાં લઈ જવાયા હતા.
