(વર્તમાન પ્રવાહ ન્યુઝ નેટવર્ક)
દમણ, તા.03: રાજ્ય કાનૂની સેવા સત્તા મંડળ, દમણ અને દમણ બાર એસોસિએશનના સંયુક્ત ઉપક્રમે આવતી કાલે ગુરુવારે મોટી દમણ સ્થિત અવર લેડી ઓફ ફાતિમા સ્કૂલખાતે કાયદાકીય જાગૃતિ શિબિરનું આયોજન કરવામાં આવશે.
પ્રાપ્ત માહિતી અનુસાર, મોટી દમણ ખાતે આવેલ અવર લેડી ઓફ ફાતિમા સ્કૂલમાં આવતી કાલે તા.5મી મેના ગુરુવારે આયોજિત કાયદાકીય જાગૃતિ શિબિરમાં દમણના એડવોકેટ નીલમ ડી. પટેલ અને પ્રિન્સ છીપા વિદ્યાર્થીઓને પોસ્કો એક્ટ સાથે વિક્ટીમ કમ્પેન્સેશન સ્કીમ વિશે માહિતી આપશે. કાર્યક્રમનું સંચાલન એડવોકેટ વણિકા ડી. સિલ્વા કરશે.
