શાસક પક્ષના નેતા શૈલેષ પટેલે ગ્રાન્ટની ફાળવણી કરી
(વર્તમાન પ્રવાહ વાપી બ્યુરો)
વાપી, તા.12: વલસાડ જિ.પંચાયત પંદરમા નાણાપંચની ગ્રાન્ટમાંથી ગોઈમા જિ.પંચાયત સભ્ય શાસક પક્ષના નેતા શૈલેષકુમાર આર. પટેલે ગોઈમા ગામ પંચાયતને રૂા.100000 ની ગ્રાન્ટ, કમ્પ્યુટર, પ્રિન્ટર, બે ટેબલ અને રાઉન્ડ ચેર માટે ફાળવેલ હતી. તે સાધનોનુ આજરોજ શાસક પક્ષના નેતા શૈલેષકુમાર આર. પટેલના હસ્તે લોકાર્પણ કરવામાં આવ્યુ હતું. હવે ગામ પંચાયતમાં ઘરવેરો, દુકાન વેરો, વ્યવસાય વેરો તમામ પ્રકારના વેરા. જન્મ-મરણનુ પ્રમાણપત્ર હવે કમ્પ્યુટર દ્વારા કાઢી આપવામાં આવશે. અને પ્રધાન મંત્રી આવાસ યોજનામાં ગોઈમા ગામના 78 લાભાર્થીઓને આવાસ ફાળવવામાં આવેલ તેમા વિનોદભાઈ ઢેડાભાઈ પટેલના આવાસનું પણ લોકાર્પણ કરવામાં આવ્યું હતું. ગામ પંચાયત સભ્યો, વિજયભાઈ, સરપંચ પતિ મિતેશભાઈ પટેલ, ભાજપ અગ્રણી કૌશિકભાઈ પટેલ વગેરે હાજર રહ્યા હતા.
