(વર્તમાન પ્રવાહ વાપી બ્યુરો)
વાપી, તા.25: લાયન્સ ડિસ્ટ્રિક્ટ ગવર્નર દિપક પખાલેના સક્ષમ નેતૃત્વમાં આ વર્ષે દરેક લાયન્સ ક્લબ ખૂબજ જોશભેર સેવાકાર્યો કરી રહી છે. લાયન્સ ક્લબ વાપી આલ્ફા પણ ઘણા વર્ષોથી જરૂરીયાતમંદ સ્કૂલના બાળકો માટે અને ત્યાંના રહેવાસીઓ માટે, અંતરિયાળ ગામડાઓમાં જઈને વિવિધ સેવાકાર્યો કરી રહી છે. હાલમાં જ લાયન્સ ક્લબ વાપી આલ્ફા દ્વારા સતત છઠ્ઠા વર્ષે પણ કુલ ચાર શાળાઓમાં જઈને, ત્યાં ભણતા બાળકોને ભણવા માટે ફુલસ્કેપ નોટબુકોનું નિઃશુલ્ક વિતરણ કરવામાં આવ્યું હતું. આ વર્ષે મોટાપોંઢા ખાતે આવેલ જીવન ચેતના આદર્શ કન્યાશાળામાં ભણતી 9 થી 12 ધોરણમાં ભણતી તમામ વિદ્યાર્થીનીઓને નિઃશુલ્ક ફુલસ્કેપ નોટબુકનું વિતરણ કરવામાં આવ્યું હતું. આજ પ્રમાણે છરવાડાની પ્રાથમિક શાળાના બાળકોને કપરાડા ધામડી સ્કૂલના બાળકોને, હરિયા પાર્ક, વાપીના બાળકોને પણ આ ફુલસ્કેપ નોટબુકોનું નિઃશુલ્ક વિતરણ કરવામાં આવ્યું હતું. લાયન્સ ક્લબ વાપી આલ્ફા તફથી આ વર્ષે કુલ બેહજાર જેટલી ફુલસ્કેપ નોટબુકોનું નિઃશુલ્ક વિતરણ કરવામાં આવ્યું હતું.
દરેક સ્કૂલોમાં રૂબરૂ જઈને ક્લબના ચાર્ટડ પ્રમુખ લાયન વંદના જૈન, રશ્મિ શાહ, નરસિંહ રાવ, જાનકી રાવ, ફાલ્ગુની મેહતા, રંજન પાંચાલ, દિપાલી ગુઢકા, રૂપલ શાહ, ગીતા દેસાઈ, શકુંતલા રાજી, સોનલ પાવાગઢી, સારીકા કાલન, શીતલ વિરોજા, અને જ્યોતિ ગુઢકાએ સ્કૂલ આચાર્ય અને શિક્ષકોની ઉપસ્થિતિમાં આ સેવાકાર્ય સંપન્ન કર્યું હતું.
