નાની દમણના સ્વામી વિવેકાનંદ ઓડિટોરિયમમાં સાંજે 4:00 થી 6:00 ની વચ્ચે મહિલાઓ અને બાળકોનો ફેશન શૉ યોજાશે
(વર્તમાન પ્રવાહ ન્યુઝ નેટવર્ક)
દમણ, તા.06 : આવતી કાલે દાદરા નગર હવેલી અને દમણ-દીવ પ્રદેશ ભાજપ મહિલા મોર્ચા દ્વારા સાંજે 4:00 વાગ્યે ‘રાષ્ટ્રીય હેન્ડલૂમ ડે’ના ઉપલક્ષમાં ફેશન શૉનું આયોજન કરવામાં આવ્યું છે.
પ્રદેશ ભાજપ પ્રમુખ શ્રી દીપેશભાઈ ટંડેલના માર્ગદર્શન હેઠળ પ્રદેશ ભાજપ મહિલા મોર્ચાના અધ્યક્ષ શ્રીમતી સિમ્પલબેન કાટેલા દાદરા નગર હવેલી અને દમણ-દીવમાં હેન્ડલૂમને પ્રોત્સાહન આપવા માટેમહિલાઓ અને બાળકો માટે એક વિશેષ ફેશન શૉનું આયોજન દમણના સ્વામી વિવેકાનંદ ઓડિટોરિયમમાં સાંજે 4 થી 6 વાગ્યા દરમિયાન કરવામાં આવ્યું હોવાની જાણકારી પ્રદેશ ભાજપ મીડિયા સંયોજક શ્રી મજીદ લધાણીએ આપી છે.
