(વર્તમાન પ્રવાહ ન્યુઝનેટવર્ક)
સેલવાસ, તા.20 : દાદરા નગર હવેલીના સાયલી ગામે આવેલ કેમકો કંપનીના મહિલા કર્મચારીઓ પગાર વધારા મુદ્દે હડતાલ પર ઉતર્યા હતા. જેઓએ રેલી યોજી કલેક્ટર કાર્યાલય સેલવાસ ખાતે ગ્યા હતા. પરંતુ ગણેશ ચતુર્થી નિમિત્તે રજાનો દિવસ હોવાને કારણે કોઈપણ પ્રશાસનિક અધિકારીઓ તેમને મળી શક્ય હતા. બાદમાં કર્મચારીઓ કલેક્ટર કચેરીએ આવ્યા હોવાની જાણ લેબર ઓફિસરને થતાં તેઓ તાત્કાલિક દોડી આવ્યા હતા અને મહિલા કર્મચારીઓના પ્રશ્નો સાંભળ્યા હતા અને બાંહેધરી આપી હતી કે તમારો પ્રશ્નનો વહેલી તકે ઉકેલ લાવવામાં આવશે.
