(વર્તમાન પ્રવાહ વાપી બ્યુરો)
વાપી, તા.24: ગુજરાત સરકારના કેબિનેટ મંત્રી અને પારડી વિધાનસભાના લોકલાડીલા ધારાસભ્ય શ્રી કનુભાઈ દેસાઈ દ્વારા પોતાના મતવિસ્તાર વાપી શહેરના વિવિધ ગણપતિ ભગવાનના પંડાલ ખાતે દર્શન કર્યા અને ગણપતિ પંડાલના આયોજકો અને ભક્તો સાથે મુલાકાત લઈ આરતીનો લાભ લીધો હતો.
આ પ્રસંગે વાપી ટાઉનના વિવિધ વિસ્તારો જેવા કે દેસાઈવાડ, કચીગામ રોડ, શાકભાજી માર્કેટ, વાપી ટાઉન, સુલપડ, ભડકમોરાના પંડાલોની મુલાકાત લીધી હતી. આ પ્રસંગે વાપી ભાજપ શહેર પ્રમુખ અને પ્રમુખ શ્રી સતિષભાઈ પટેલ, વાપી નોટિફાઇડ ભાજપ પ્રમુખ શ્રી હેમંતભાઈ પટેલ અને વાપી નગરપાલિકા કારોબારીચેરમેન શ્રી મિતેશભાઈ દેસાઈ અને કાર્યકર્તા મિત્રો અને નાગરિકો મોટી સંખ્યામાં ઉપસ્થિત રહ્યા હતા.
