દમણ જિલ્લામાં 15 હજાર કરતા વધુ આદિવાસી મતદારો છેઃ દમણ ન.પા.ના ઉપ પ્રમુખ પદે રશ્મિબેન હળપતિની વરણી કરી પ્રદેશ ભાજપે આદિવાસી સમાજનું કરેલું સન્માન
(વર્તમાન પ્રવાહ ન્યુઝ નેટવર્ક)
દમણ, તા.23 : ભાજપના દાદરા નગર હવેલી અને દમણ-દીવ પ્રદેશ પ્રભારી શ્રી પૂર્ણેશ મોદી અને સહ પ્રભારી શ્રી દુષ્યંત પટેલે આજે આદિવાસી સમાજના આગેવાન શ્રી ભાવિક હળપતિના ઘરે બપોરનું ભોજન લીધું હતું. જેમાં આદિવાસી સમાજના અનેક કાર્યકર્તાઓ પણ જોડાયા હતા.
પ્રાપ્ત માહિતી પ્રમાણે પ્રદેશ ભાજપ પ્રભારી શ્રી પૂર્ણેશ મોદી, સહ પ્રભારી શ્રી દુષ્યંત પટેલ, પ્રદેશ ભાજપ અધ્યક્ષ શ્રી દીપેશભાઈ ટંડેલ, સાંસદ શ્રી લાલુભાઈ પટેલ તથા પૂર્વ સાંસદ શ્રી ગોપાલભાઈ કે. ટંડેલ(દાદા) સહિતના મહાનુભાવોએ આદિવાસી આગેવાન શ્રી ભાવિક હળપતિના ઘરે બપોરનું ભોજન લીધું હતું.
અત્રે નોંધનીય છે કે, દમણ જિલ્લામાં લગભગ 15 હજાર કરતા વધુ આદિવાસીમતદારો છે. પ્રદેશ ભાજપે આદિવાસી સમાજના શ્રીમતી રશ્મિબેન હળપતિને દમણ નગરપાલિકાના ઉપ પ્રમુખ તરીકેની મહત્વની જવાબદારી સુપ્રત કરી આદિવાસી સમાજનું બહુમાન પણ કરેલ છે.