(વર્તમાન પ્રવાહ ન્યુઝ નેટવર્ક)
સેલવાસ, તા.19: દાદરા નગર હવેલીના સેલવાસ ઝંડાચોક ખાતેની અંગ્રેજી માધ્યમની પ્રાથમિક કેન્દ્ર શાળાના વિદ્યાર્થીઓને શાળા પરિવાર દ્વારા સાયલી સ્થિત નમો મેડિકલ કોલેજ અને અથાલ ખાતે આવેલ અક્ષયપાત્ર ફાઉન્ડેશનની મુલાકાત કરાવવામાં આવી હતી. નમો મેડિકલ કોલેજની મુલાકાત દરમ્યાન વિદ્યાર્થીઓએ કોલેજના દરેક વિભાગોની મુલાકાત લીધી હતી. શાળાના વિદ્યાર્થીઓએ મુલાકાત બાદ ‘ભવિષ્યમાં ડોક્ટર બનવાનું અમારૂં સપનુ પુરુ થશે’ એવી આશા વ્યક્ત કરી હતી. અક્ષયપાત્ર ફાઉન્ડેશનમાં ભોજન કેવી રીતે બને છે અને એની ગુણવત્તા તેમજ શાળાઓ તથા બાળમંદિરોમાં કેવી રીતે મોકલવામાં આવે છે તે કામગીરી નિહાળી હતી.
