(વર્તમાન પ્રવાહ વાપી બ્યુરો)
વાપી, તા.30 : વાપી જીઆઈડીસી પોલીસે આજે સોમવારે સાંજના હાઈવે ઉપરથી લાખોનો ગુટખાનો જથ્થો ભરેલું કન્ટેનર ઝડપી પાડયું હતું.
વાપી વિસ્તારમાં બેનંબરી ગુટખા પાન મસાલાનો ધીકતા કારોબાર ચાલી રહ્યો છે. હજુ બે દિવસ પહેલાં કરવડમાં 98 લાખનો ગુટખાનો જથ્થો એક ગોડાઉનમાંથી ઝડપાયો હતો. ત્યાં જ આજે એજ શંકાસ્પદ કન્ટેનરમાં આરજે જીઆઈ 1621ને અટકાવી ચેકીંગકરેલ ચાલક પાસે કન્ટેનરમાં ભરેલ વિપુલ જથ્થાને બિલ ચલણ માંગવામાં આવેલ તો ચાલક રજુ નહી કરતા પોલીસ કન્ટેનરને પોલીસ સ્ટેશન લાવીને મુદ્દામાલ તથા કન્ટેનર જપ્ત કર્યું હતું. આ લખાય છે ત્યાં સુધી જથ્થાની ગણતરી ચાલુ છે. કેટલા લાખનો જથ્થો છે તે તપાસ બાદ બહાર આવશે. મહારાષ્ટ્રમાં ગુટખા ઉપર બેન્ડ હોવાથી ત્રણ-ચાર ઘણા ભાવ સાથે તગડો નફો રળવા ગુટખાનો જથ્થો મહારાષ્ટ્રમાં ઘૂસાડવામાં આવી રહ્યો છે.