(વર્તમાન પ્રવાહ વાપી બ્યુરો)
વાપી, તા.06: સેલવાસ ખાતે આવેલી આલોક પબ્લિક સ્કૂલ દ્વારા આંતર શાળા સડોકુ સ્પર્ધાનું આયોજન કરવામાં આવ્યું હતું. જેમાં વાપીની શ્રી એલ.જી. હરિઆ મલ્ટિપર્પઝ સ્કૂલનો ધોરણ આઠનો વિદ્યાર્થી પિયુષરાઠોડ ગૃપ-1માં પ્રથમ ક્રમે રહ્યો હતો. જ્યારે ગૃપ-2માં ધોરણ નવની વિદ્યાર્થીની શાલ્વી કુશવાહાએ પણ પ્રથમ સ્થાન પ્રાપ્ત કરી શાળાને ગૌરવ અપાવ્યું છે. આથી ઓવરઓલ ચેમ્પિયન ટ્રોફી શાળાને મળતા શાળા પરિસરમાં આનંદની લહેર છવાઈ ગઈ હતી. શાળાના મેનેજમેન્ટ અને આચાર્યા શ્રીમતી બિન્ની પૌલે શાળા પરિવાર વતી વિજેતા વિદ્યાર્થીઓને તેમજ તેમની માર્ગદર્શક ટીમને મેળવેલ સફળતા બદલ અભિનંદન પાઠવ્યા હતા.
