(વર્તમાન પ્રવાહ ન્યુઝ નેટવર્ક)
સેલવાસ, તા.06 : દાદરા નગર હવેલી ઇન્ડિયન રેડક્રોસ સંચાલિત દિવ્યાંગ બાળકો માટેની સ્પેશિયલ શાળાના બાળકો દ્વારા વિવિધ પ્રકારના સુંદર લેમ્પ, વુલનડોલ, કીચેઇન, બ્રેસલેટ સહિત રંગબેરંગી દીવડાઓ તૈયાર કરવામાં આવ્યા છે. જેનો સ્ટોલ 06 નવેમ્બરથી 09નવેમ્બર, 20213 સુધી સેલવાસ કલેક્ટર કચેરી પરિસર ખાતે શરૂ કરવામાં આવ્યો છે.
સેલવાસની રેડક્રોસ શાળાના દિવ્યાંગ બાળકોને અભ્યાસની સાથે અન્ય વિવિધ પ્રવૃતિઓ કરાવવામાં આવે છે. આ દિવ્યાંગ બાળકોમાં પ્રતિભાની કોઈ જ કમી નથી, તેઓનેજાગૃત કરવાની જરૂર છે. જેનો ઉદ્દેશ્ય દિવ્યાંગોને મુખ્ય પ્રવાહ સાથે જોડવાનો છે.
આ શાળાના દિવ્યાંગ બાળકોએ આગામી દિવાળીના તહેવાર માટે શાળાના આચાર્ય શ્રી જ્યોતિર્મય સુરે અને શિક્ષકોના માર્ગદર્શન દ્વારા વિવિધ પ્રકારના રંગબેરંગી દીવા અને ઘરમાં સજાવટ અને સુશોભનની વસ્તુઓ બનાવી છે. જેના માટે બાળકોમાં પણ અનેરો ઉત્સાહ જોવા મળી રહ્યો છે. સ્ટોલ ઉપર દિવા અને સજાવટના સામાનનું વેચાણ થશે એ રાશીનો ઉપયોગ શાળાના બાળકોના કરવામાં આવશે. કલેક્ટર કચેરીના પ્રાંગણમાં શરૂ કરાયેલા સ્ટોલ ઉપરથી શહેર તથા પ્રદેશના નાગરિકો વિકલાંગ બાળકોએ તેમના હસ્તે બનાવેલ દિવા અને વિવિધ સુશોભનની વસ્તુઓ ખરીદે એવો આગ્રહ રાખવામાં આવે છે.
